مقبوضہ کشمیر ، بھارت کی ریاستی دہشت گردی میں مزید 3 کشمیری نوجوان شہید

شیعت نیوز : مقبوضہ کشمیر میں بھارت کی جانب سے ریاستی دہشتگردی کا سلسلہ جاری، مزید 3 کشمیری نوجوان شہید۔

تفصیلات کے مطابق مقبوضہ کشمیر کے ضلع شوپیاں میں بھارتی فوج نے ریاستی دہشت گردی کے دوران فائرنگ کرکے مزید 3 کشمیری نوجوانوں کو شہید کردیا۔

بھارتی فوج کورونا کی آڑ میں کشمیری نوجوانوں کو اذیتیں پہنچانے لگی

کشمیر میڈیا سیل کے مطابق مقبوضہ وادی کے ضلع شوپیاں میں بھارتی فوج نے ریاستی دہشت گردی کے دوران فائرنگ کرکے مزید 3 کشمیری نوجوانوں کو شہید کردیا، تینوں نوجوانوں کو ضلع شوپیاں کے علاقے ترُک ونگام میں سرچ آپریشن کے دوران فائرنگ کرکے شہید کیا گیا۔

چند روز قبل بھی قابض بھارتی فوج نے ضلع کلگام کے علاقے نیپورہ اور ضلع اسلام آباد کے علاقے لالن میں سرچ آپریشن کی آڑ میں 4 نوجوانوں کو شہید کردیا تھا۔

واضح رہے کہ بھارت کی جانب سے کشمیری جوانوں کے قتل عام کا سلسلہ برسوں سے جاری ہے اور اقوام متحدہ بھی کشمیر میں بھارتی مظالم رکوانے میں ناکام نظر آتی ہے۔