سوشل میڈیا پر مسلسل چلنے والے انڈین فلم کے کلپ مقدسات اسلامی کی توہین ہے، علامہ فرقان حیدر عابدی

شیعت نیوز: جعفریہ الائنس پاکستان کے نائب صدر علامہ فرقان حیدر عابدی کا جاری بیان میں کہنا ہے کہ سوشل میڈیا پر مسلسل چلنے والے انڈین فلم کے کلپ مقدسات اسلامی کی توہین ہے، ہندوستان مسلسل مسلمانوں کو لڑانے کے لئے کوششوں میں مصروف ہے، شاتم رسول سلمان رشدی کو پناہ بھی اس ہی معلون ہندوستان نے دی، یہ تمام معاملات ہندوستان مسئلہ کشمیر سے دنیا کی نظریں ہٹانے کے لئے کر رہا ہے، کشمیر ہماری شہ رگ حیات ہے، اس پر لگنے والے ہاتھ کو ہم کاٹ کر رکھ دیں گے۔

علامہ فرقان حیدر عابدی کا کہنا تھا کہ بھارت مسئلہ کشمیر کو اندرونی مسئلہ کہہ کر دنیا کو دھوکہ نہیں دے سکتا، ہندوستان کا یہ اقدام اقوام متحدہ کی قرارداوں کی مکمل خلاف ورزی ہے۔

یہ بھی پڑھیں: پاکستان کےجید شیعہ علماءکی جانب سے حضرت عائشہ ؓکی توہین پر مشتمل بھارتی فلم کی مذمت

نائب صدر جعفریہ الائنس کا کہنا تھا کہ مسئلہ کشمیر اقوام متحدہ میں ایک حل طلب مسئلہ ہے، پاکستان کی غیور اور بہادر قوم اپنے مظلوم نہتے کشمیری بھائیوں کے حقوق کے لئے دوبارہ بھی قربانیاں دینے کے لئے تیار ہیں۔

انہوں نے مزید کہا کہ ہم حکومت پاکستان سے اپیل کرتے ہیں کہ وہ ایسی ویب سائٹ کو بلاک کرے جس پر مسلسل مقدسات اسلامی کی توہین ہورہی ہے، جو صرف اور صرف مسلمانوں میں تفرقہ پیدا کرنے کی سازش ہے، پاکستانی عوام ہر اُس آنکھ کو نکال دے گی جس نے بھی پاکستان کو میلی نگاہ سے دیکھا۔