یمنی فوج کاسعودی عرب کے ایئرپورٹ پر ایک بار پھر ڈرون حملہ ، 9 افراد زخمی
شیعت نیوز : یمنی سرکاری فوج اور اسلامی تحریک انصاراللہ کے جوانوں نے سعودی عرب کے ابہا ایئرپورٹ پر ایک بار پھر ڈرون حملہ کیا ہے۔ ڈرون حملے میں متعدد افراد زخمی ہوئے۔
یمنی فوج کے ترجمان یحیی سریع کا کہنا ہے کہ منگل کی رات سعودی عرب کے علاقےعسیر میں ابہا ایئرپورٹ کو کامیابی کے ساتھ نشانہ بنایا گیا۔
یہ خبر بھی لازمی پڑھیں :انصار اللہ کے خوف سے متحدہ عرب امارات نے یمن پر مسلط کردہ سعودی جنگ سے علیحدگی کا فیصلہ کر لیا
المیسرہ نیوز نے خبر دی ہے کہ ابہا ایئرپورٹ کو قاصف 2 نامی ڈرون سے نشانہ بنایا گیا جس کے نتیجے میں جنگی ساز وسامان کے گودام کو نقصان پہنچا ہے۔
سعودی حکام نے حملے میں 9 افراد زخمی ہونے کی تصدیق کی ہے، جن میں 8 سعودی جبکہ ایک غیرملکی شہری شامل ہے۔
یمنی فوج کے ترجمان کا کہنا ہے کہ جب تک یمن پر جارحانہ کارروائیوں کا خاتمہ نہیں کیا جاتا تب تک آل سعود کے اہم اور حساس مقامات پر حملے جاری رہیں گے۔
واضح رہے کہ سعودی عرب نے یمن کے نہتے عربوں پر گذشتہ 4 سال سے وحشیانہ جنگ مسلط کررکھی ہے سعودی عرب اس جنگ میں اپنے اہداف تک پہنچنے میں بری طرح ناکام ہوگیا ہے۔ جبکہ اسے یمن پر مسلط کردہ جنگ میں امریکہ اور اسرائیل کی حمایت بھی حاصل ہے۔
