نائٹ کلب میں جانا شرعی طور پرجائز ہے، سعودی مفتیوں نے دین فروشی کی انتہا کردی
شیعت نیوز : نائٹ کلب میں داخل ہوتے وقت با وضو ہوں اور پہلے دایاں پاؤں رکھیں اور باہر نکلتے وقت بایاں پاؤں پہلے باہر رکھیں، سعودی مفتیوں نے ڈسکو میں جانے کے آداب بیان کردیے۔
تفصیلات کے مطابق سعودی ولیعہد محمد بن سلمان کی جانب سے سعودی عرب کے دار الافتاء سے نائٹ کلب (جسے آل سعود نے ’’حلال نائٹ کلب‘‘ نام دیا ہے) کے جائز ہونے کے بارے میں فتویٰ دینے کو کہا گیا تھا جس پر سعودی مفتیوں نے اسے نہ صرف جائز قرار دیا بلکہ اس میں داخل ہونے اور اندر جانے کے بعد کے تمام آداب و شرائط بھی بیان کردی ہیں۔
سعودی دارالافتاء کی جانب سے سعودی ولی عہد محمد بن سلمان کے نام بھیجے جانے والے خفیہ خط کا متن پیش خدمت ہے۔
بسم اللہ الرحمن الرحیم
سعودی عرب
دار الافتاء
مخفی
من جانب: عبد العزیز بن عبد اللہ آل الشیخ
جناب صاحب عزت واحترام ولی عہد امیر محمد بن سلمان (ام بی ایس)
السلام علیکم ورحمۃ اللہ وبرکاتہ
آپ کے ایک خط کا حوالہ دیتے ہوئے جو نمبر (ادس/ادس/ادس/ م ص/321/6) مورخہ 22/7/1440 کو شائع ہوا، جس میں خادم حرمین شریفین کی طرف سے یہ کہا گیا تھا، کہ شرعی رقص گاہ جو’’ وائٹ جدہ‘‘ کے نام سے ہے اس بارے میں بزرگ علماء کرام کی کمیٹی جس کا 51واں اجلاس 28/7/1440 کو طائف میں ہونے جارہا ہے اپنا شرعی نکتہ نظر بیان کرے۔
آپ کی خدمت میں عرض ہےکہ بزرگ علماء کی کمیٹی نے آپ کا خط پڑھا اور اس میں جس شرعی رقص گاہ کے بارے میں جو شرعی حیثیت پوچھی گئی ہے، اس پر غور وخوص کرنے کے بعد بزرگ علماء کرام کی کمیٹی نے تین علماء کرام جو رقص اور اس سے ملتے جلتے امور میں کافی مہارت رکھتے ہیں پر مشتمل ایک کمیٹی تشکیل دی ہے، اس کمیٹی کی ذمےداری ہے کہ وہ ایسے قاعدے اور قوانین بنائیں، جن کے ذریعے اس شرعی رقص گاہ کو چلائے جانے میں کوئی مسئلہ نہ ہو۔
یہ کمیٹی جس نتیجے پہ پہنچی ہے اس سے آپ کو آگاہ کرنا میری ذمےداری قرار دی گئی، اور نتیجہ پیش خدمت ہے۔
1 -نائٹ کلب میں داخل ہونے سے پہلے وضو کرے، داخل ہوتے وقت بایاں پاؤں جبکہ نکلتے ہوئے دایاں پاؤں رکھے۔
2 – عورت اور مرد کو جوڑی دار کے علاوہ ڈسکو میں جانے کی اجازت نہیں ، یہ اس لئے نہیں کہ صرف اخلاقی اقدار مد نظر ہیں، بلکہ ان کے ساتھ ساتھ یہ بات بھی مد نظر ہے کہ سوسج فیسٹ نہ بن جائے۔
3- ڈسکو کلب سے جنابت کی حالت میں نکلنا منع ہے، اور اگر غسل واجب ہو جائے تو غسل کرنے کے بعد نکلنا ہوگا۔
4 – ایسے کلب میں دعوت دی جانے کی صورت میں اسے قبول کرنا جائز ہے، اس شرط پر کہ مقابلے میں دعوت دینے والے کو اس سے اچھی دعوت دی جائے، اور میزبان کو چاہیئے کہ وہ مہمان کے خاطر تواضع کے لئے روانڈ مشروبات کا اہتمام کرے یہ جود وسخا کے زمرے میں آتا ہے۔
5- لباس محترم ہونا چاہیے وہی لباس جس کا ذکر وزرات داخلہ کے قانون نمبر دم/ تک/ 22/6/9 میں ہو چکا ہے۔
6- رقص کے وقت جھکنے یا موڑنا 14 ڈگری سے زیادہ نہ ہو، اس بات کو عوام تک پہنچانے کے لئے مشہور مقامات پر بینرز لگے ہونے چاہیے۔
7 – نماز کے وقت رقص گاہ کے اندر تمام تر پروگرام بند ہونے چاہیے تاکہ وہاں نماز جماعت کا اہتمام ہو اور عورتیں مردوں کے پیچھے کھڑی ہوں۔
8 – ان لاوڈ سپیکروں سے اذان نشر کرنا منع ہے جن پر موسیقی نشر ہوتی ہو۔
9 – تمام تر موسیقی کے اقسام کی اجازت ہے اس شرط کے ساتھ کہ ان کے الفاظ عربی زبان کے ہوں، کیونکہ دوسری زبانوں کی موسیقی میں فحش کلمات ہیں جن سے ہمارے بچے خراب ہوسکتے ہیں۔
ان تمام تر ضوابط کو آپ کے خط کے ساتھ آپ کو بھیج رہا ہوں۔
خدا آپ کو اور خادم حرمین شریفین کو ان چیزوں کی توفیق دے جن میں اس کی رضا ہو۔ اور ہم سب کو خیر کی توفیق دے وہ سننے والا اور قبول کرنے والا ہے۔
اور ہمیں امید ہے ک آپ عنقریب اس رقص گاہ کو شرف بخشیں گے۔
والسلام علیکم ورحمۃ الله وبرکاتہ
سعودی عرب کا مفتی عام
اور بزرگ علماء کرام کی کمیٹی اور دار الافتاء کا سربراہ
