اورکزئی ایجنسی ، شیعہ نشین علاقے کلایہ بازار میں تکفیری دہشت گردوں کاخودکش حملہ ،30 افراد شہید 50 زخمی

شیعیت نیوز: لوئراورکزئی ایجنسی میں کلایہ بازار میں مسجد ومدرسہ انوار المدارس کے بلکل سامنے لگے جمعہ بازار میںتکفیری دہشت گردوں کاخودکش بم دھماکہ ، جس کے نتیجے میں 30 افراد شہید ہو گئے ہیں جبکہ 50 افراد کے زخمی ہونے کی اطلاع ہے۔ ابتدائی اطلاعات کے مطابق اورکزئی ایجنسی کے شیعہ نشین علاقے کلایہ بازار میں اس وقت بم دھماکہ ہوا جب جامع مسجد کے سامنے لگے عارضی سٹالز پہ لوگ خریداری میں مصروف تھے،  دھماکے میں 30 افراد کے شہید اور 50 سے زائد افراد کے زخمی ہونے کی اطلاع ہے۔ مقامی ذرائع کے مطابق خوفناک بم سبزی والی گاڑی میں نصب تھا جو کالعدم سپاہ صحابہ لشکر جھنگوی اور داعش کے دہشتگردوں نے اہل تشیع نشین علاقے میں لاکھڑی کی۔ دھماکا اتنا شدید اور خوفناک تھا کہ اس کی آواز دور دور تک سنی گئی۔ دھماکے کے نتیجے میں ہر طرف دھواں اور گرد و غبار پھیل گیا۔ دھماکے سے مسجد و مدرسے کی دروازے کو بھی نقصان پہنچا ، واضح رہے کہ مسجد ومدرسہ انوار المدارس کاافتتاح شہید قائد علامہ عارف حسین الحسینی کے دست مبارک سے ہوا تھا،جبکہ مقامی افراد نے زخمیوں اور جاں بحق ہونے والوں کو ہسپتال منتقل کیا۔ دھماکے کے بعد متاثرہ علاقے کو سیکیورٹی اہلکاروں نے گھیرے میں لے کر سرچ آپریشن شروع کردیا ہے اور جائے وقوعہ سے شواہد اکٹھا کیے جارہے ہیں۔