دنیا کی طاقتور ترین افواج میں پاکستان کا تیرھواں نمبر، امریکی جریدہ

شیعیت نیوز: امریکی فنانشل و بزنس ویب سائٹ بزنس انسائیڈر کی رپورٹ کے مطابق طاقت ور ترین افواج میں پاکستان کا تیرھواں نمبر ہے۔

پاکستان کا دفاعی بجٹ 7 ارب ڈالرز ہے، اس کی مجموعی لڑاکا نفری919000 جبکہ 951 طیاروں پر مشتمل فضائی بیڑہ ہے۔پاک بحریہ کے اثاثے 197 جنگی جہازوں اور آبدوزوں پر مشتمل ہے۔ لڑاکا طیاروں کی تعداد 301 ہے جبکہ 2924 لڑاکا ٹینک ہیں۔

فوجی قوت کے حوالے سے امریکا سر فہرست ہے ،امریکا کی آبادی 32 کروڑ سے زائد ہے۔ اس کا دفاعی بجٹ587.8 اعشاریہ آٹھ ارب ڈالرز ہے۔

فوجی نفری23 لاکھ 63 ہزار سے زائد ، مجموعی طیارے13762 ، لڑاکا طیارے 2296 ، جنگی ٹینک 5884 ، 19 طیارہ بردار جہازوں کے ساتھ 415 بحری اثاثے ہیں۔

روس فوجی قوت کے لحاظ سے دوسرے نمبر پر ہے۔ اس کادفاعی بجٹ 44.6ارب ڈالرز اور آبادی14 کروڑ 23لاکھ سے زائد ہے۔ اس کی فوجی نفری 3371000، طیارے 3794 ، لڑاکا طیارے 806 ، ٹینک 20216 ، ایک طیارہ بردار جہاز سمیت بحری اثاثے 714 ہیں۔

چین طاقتور ترین افواج میں تیسرے نمبر پر ہے.دوسری عالمی طاقت کا دفاعی بجٹ 161.7 ارب ڈالرز جبکہ اس کی آبادی ایک ارب 37کروڑ سے زائد ہے. اس کی فوجی نفری 3712500 ، مجموعی طیارے 2955 ، لڑاکا طیارے 1271 ، ٹینک 6457 ، ایک طیارہ بردار جہاز سمیت بحری اثاثے 714 ہیں.

عسکری طاقت میں بھارت کا نمبر چوتھا ہے۔ اس کی آبادی ایک ارب چھبیس کروڑ سے زائد جبکہ اس کادفاعی بجٹ 51ارب ڈالر ہے۔ فوجی نفری 42 لاکھ سے زائد، مجموعی طیارے 2102 ، لڑاکا طیارے 676 ، ٹینک 44216 ، بحری اثاثے 295 ہے.

ان کے بعد فرانس، برطانیہ، جاپان، ترکی، جرمنی، مصر، اٹلی اور جنوبی کوریا ہیں۔ پاکستان کا نمبر تیرہواں ہے۔ اس کے بعد انڈونیشیا ، اسرائیل، ویت نام، برازیل، تائیوان، پولینڈ، تھائی لینڈ، ایران، آسٹریلیا، شمالی کوریا، سعودی عرب اور الجزائر ہیں