صیہونی فوجیوں کے ہاتھوں تیرہ سالہ نوجوان کی شہادت

صیہونی فوجیوں نے غرب اردن میں ایک تیرہ سال کے فلسطینی نوجوان کو گولی مار کر شہید کر دیا

فلسطینی ذرائع کی رپورٹوں کے مطابق تیرہ سالہ فلسطینی نوجوان صدفی الطباخی مقبوضہ قدس کے شمالی علاقے الرام میں صیہونی فوجیوں کی براہ راست فائرنگ کے نتیجے میں شہید ہوگیا- غرب اردن اور بیت المقدس کے فلسطینی ، گذشتہ برس یکم اکتوبر سے مسجد اقصی اور دیگر مقدس مقامات پر صیہونی فوجیوں کے حملوں میں شدت آنے کے بعد سے احتجاج کررہے ہیں اور صیہونیوں کے جرائم کے جواب میں اب تک دسیوں صیہونیوں کو ہلاک کر چکے ہیں-