عالمی دہشتگردوں کی سہولت کاری میں ملوث لال مسجد کے خلاف کاروائی سے گریز کیوں؟
پاکستان کے دارلخلافہ اسلام آباد میں اوقاف کے زیر انتظام چلنے والی سرکاری لال مسجد کے عالمی دہشتگردوں سے کے اعلانیہ روابط کے باوجود حکومت پاکستان اور قانون نافذ کرنے والے ادارے خاموش تماشائی بنے ہوئے ہیں۔
شیعیت نیوز کی مانیٹرنگ ڈیسک کے مطابق امریکی ریاست کیلی فورنیا کے ضلع سان برنارڈینو میں معزوروں کے سینٹر پر حملے کرکے درجنوں افراد کو قتل کرنے والی تاشفین ملک اور اسکے شوہر کے لال مسجد کے خطیب مولانا عبدالعزیز (برقع) سے روابط کا بھی انکشاف ہوچکا ہے، اسکے باوجود اس مسجد ضرار کے خلاف کسی بھی قسم کی کوئی کاروائی قابل تشویش ہے۔
سان برنارڈینو سانحہ میں ملوث دہشتگردوں کے ساتھ مولوی عبدالعزیز سے رابطہ کے علاوہ متعدد بار پاکستان میں دہشتگردی کے واقعات میں ملوث کئی انتہاپسند وں کا مولوی عبدالعزیز سے تعلق بنتا رہا ہے۔
اسی طرح گذشتہ سال سولہ دسمبر پشاور کے آرمی پبلک اسکول میں طالبان دہشتگردوں کی جانب سے معصوم بچوں کے ساتھ بربریت کی انتہا پر بھی مولوی عبدالعزیز نے متنازعہ بیان دیا تھا جس میں انہوں دہشتگردوں کی مذمت تو کُجا اس پرسوز واقعہ میں جانبحق ہونے والے بچوں کو شہید کہنے سے بھی پرہیز کیا جسکا مطلب واضح تھا کہ مولوی عبدالعزیز اس سانحہ کو جائز سمھجتے ہیں لیکن پھر بھی حکومت کے زیراثر چلنے والی مسجد کے اس خطیب کے خلاف کوئی کاروائی عمل میں نہیں آئی۔
اسلام آباد کے قلب میں مولوی عبدالعزیز کی زوجہ اُم حسان کی قیادت میں چلنے والے شدت پسند مدرسہ جامعہ حفصہ کی طالبات نے عالمی دہشتگرد تنظیم داعش کے خلیفہ ابوبکرالبغدادی کو مدرسہ کی طالبات کو نجات دلانے کے لئے ریاست پاکستان میں کاروائی کرنے کی دعوت دی اور اس دہشتگرد خلیفہ سے اپنی بیعت کا اعلان کیا۔
حال ہی میں مولوی عبدالعزیز پاکستان میں داعشی نظریات پر مبنی نظام نافذ کرنے لئے ایک تحریک کا اعلان کیا ہوا ہے،جو اعلانیہ ریاست پاکستان سے غداری کی علامت ہے لیکن اس کے باوجود بھی نواز حکومت اپنی قیادت میں چلنے والی اس فتنہ پرور مسجد اور اسکے خطیب کے خلاف ایکشن لینے سے خوف ذدہ ہیں۔
اوپر لکھے گئے چند حقائق کی بنیاد پر پاکستانی شہریوں کا مطالبہ ہے کہ پاکستان کے مضافاتی و پہاڑی علاقوں میںآپریشن کرنے کی بجائے اسلام آباد کے قلب میں موجود فنتہ کی جڑ مسجد ضرار جہاں سے دہشتگردوں کے نظریات پروان چڑھتے ہیں انکے خلاف فوری کاروائی کی جائے اور مولوی عبدالعزیز کو گرفتار کرکے سرعام پھانسی دیکر تمام دہشتگردوں اور انکے سہولت کار وں کے لئے عبرت کا نشان بنادیا جائے۔
