حضرت علی نے احتساب کا حقیقی نظام قائم ، پہلے خود کو احتساب کیلئے پیش کیا،علامہ عباس کمیلی.

نشتر پارک میں پاک محرم ایسوسی ایشن کے زیراہتمام رسالت اور امت محمدؐ کے عنوان سے گفتگو کرتے ہوئے علامہ عباس کمیلی نے کہا کہ ملک میں آج کرپشن کے خلاف دہائی دی جارہی ہے، حضرت علیؓ نے کرپشن کا خاتمہ کیا، کرپشن کے خلاف وہی جہاد کرسکتا ہے جو خود کرپٹ نہ ہو، آج احتساب کے نعرے لگائے جارہے ہیں، احتساب کی بات مختلف ادوار میں کی جاتی رہی، حضرت علی نے احتساب کا حقیقی نظام قائم کیا اور سب سے پہلے خود کو احتساب کیلئے پیش کیا اورفرمایا کہ خلافت کی ذمہ داری سنبھالتے وقت میرا کل اثاثہ یہ گھوڑا، زرہ اور تلوار ہے، اگر اس میں اضافہ ہوجائے تو میرا احتساب کرنا۔ –