کالعدم جماعتوں کی فعالیت ملکی سالمیت کیلئے خطرہ ہے،مجلس و حدت مسلمین

کوءٹہ میں زائرین کی بس پر دہشت گردوں کی فائرنگ کی شدید مذمت کرتے ہیں، واقعہ میں دو زائرین شہید اور متعدد زخمی ہوئے ورثہ سے اظہار ہمدردی ہے واقعے کی جتنی مذمت کی جائے کم ہے، کالعدم جماعتوں کی فعالیت حکومت کیلئے لمحہ فکریہ ہے اورملک بھر میں کالعدم جماعتوں کی فعالیت ملک کی سالمیت کیلئے خطرہ ہے ۔ ان خیالات کا اظہار مجلس و حدت مسلمین مر کزی سیکرٹری اطلاعات مہدی عابدی نے وحدت ہاؤس کراچی سے جاری اپنے مذمتی بیان میں کیا ان کا کہنا تھا کہ نواز حکومت دہشت گردوں کی سرپرستی کررہی ہے بلو جستان اب بھی دہشتگردوں کو گڑ ھ بنا ہوا ہے گزشتہ دنوں دہشتگردوں کی جانب سے بلوچستان میں 20مظلوم مزدوروں کو نشانہ بنایا گیا اور آج کوئٹہ کے علاقے سٹلائٹ ٹاؤں میں گھات لگائے دہشتگردوں نے زائرین کی بس پر فائرنگ کی جس کے نتیجہ میں دو زائرین شہید اور متعدد زخمی ہوگئے جو اس بات کی دلیل ہے کے بلوچستان میں موجود دہشتگرد منظم ہو رہے ہیں جن کے خلاف موثر فوجی آپریشن کی ضرورت ہے۔