واقعہ کربلا کلمہ حق بلند کرنے کا درس دیتا ہے، ثروت اعجاز

سنی تحریک کے سربراہ ثروت اعجاز نے کہاہے کہ سیدنا امام حسین نے کربلا کے میدان میں باطل کو شکست دیکر دین اسلام کو زندہ وجاوید کیا، امام عالی مقام ؑکی سیر ت و کر دار سے امت مسلمہ کے قلو ب قیا مت تک منو ر ہو تے رہیں گے، وا قعہ کر بلا ہمیں با طل قوتوں کے سا منے کلمہ حق بلند کر نے کا درس دیتا ہے،شہداء کربلا کی قر با نی صبر و تحمل اور باطل کے سامنے ڈٹ جانے کا درس دیتی ہے، ان خیالات کا اظہار انہوں نے مرکز اہلسنت پر سینئر کارکنان کے اجلاس سے خطاب کرتے ہوئے کیا،ثروت اعجاز قادری نے کہا کہ کہ امام حسین ؑ کی عظمت کے چرچے تا قیامت ہوتے رہیں گے ۔ نیو جنریشن مشن حسینی پر گامزن ہوکر ملک کو جہالت کے اندھیروں اور عوام کے حقوق دلانے کاوشیں کرئے ،امام حسین ؑنے سسکتی انسا نیت کوجبر سے نجا ت دلا کر صرا ط مستقیم کی راہ پر گا مزن رہنے کا سلیقہ سیکھا یا۔انہوں نے کہا کہ مام عالی مقام حضرت امام حسین ؑکی قربانی نے اسلام کو صبح ء قیامت تک زندہ کر دیا ہے انہوں نے کہا کہ باطل قوتوں کے خاتمے اور ملک کو انتہا پسندی دہشتگردی سے نجات کیلئے حسینی جذبے سے سرشار ہونا ہوگا۔فرسودہ نظام حکومت، سیاست،جاگیرادانہ نظام ،وڈیرہ شاہی کے خلاف علم جہاد بلند کرنے والے حسینی قافلے میں شامل ہیں۔ملک و قوم اب مزید مذہب اور عقیدے کے نام پر قتل و غاتگری برداشت نہیں کر سکتی ۔دوران محر م الحرام کسی بھی طرح کی مذہبی کشیدگی سے بچنے کیلئے سب کو یک زبان ہونا ہوگا۔انہوںنے کہاکہ آج فرعونی قوتوں سے ٹکرانے کیلئے مسلمانوں کو حسینی فکر کو زند ہ کرنا ہوگا۔