طالبان نے 765 قیدیوں کی رہائی کے لیے فہرست وزیر داخلہ کو دیدی، یوسف شاہ

طالبان کمیٹی کے کوآرڈینیٹر مولانا یوسف شاہ نے کہا ہے کہ طالبان نے 765 غیر عسکری قیدیوں کی فہرست وزیر داخلہ کو دے دی ہے۔ ملتان ائیر پورٹ پر میڈیا سے گفتگو کرتے ہوئے انہوں نے کہا کہ حکومت دو، تین روز میں 13 قیدیوں کو رہا کرے گی۔ ان میں کوئی بچہ یا خاتون شامل نہیں ہیں۔ انہوں نے کہا کہ طالبان حکومت مذاکرات کی راہ میں کچھ رکاوٹیں پیدا ہوگئی ہیں، مذاکرات کے دوران دونوں فریقین سے جنگ بندی اور سیز فائر کا مطالبہ کریں گے، کوئی بھی قبائلی علاقہ محفوظ نہیں ہے۔ ان کا کہنا تھا کہ وزیر داخلہ چوہدری نثار علی خان مذاکرات کے حوالے سے مخلص ہیں جبکہ آپریشن کی حمایت کرنے والے عوام کے دشمن ہیں۔