طاہر اشرفی انتہائی نشے کی حالت میں دھت پائے گئے، نجی ٹی وی رپورٹ

پاکستان کے ایک نجی ٹی وی کی رپورٹ کے مطابق متحدہ علماء کونسل کے چیئرمین طاہر اشرفی جن کے بارے میں چند روز پہلے یہ خبر منظر عام پر آئی تھی کہ انکو اغوا کر لیا گیا تھا غلط ثابت ہوئی ہے۔ اصل حقائق کے مطابق دفاع پاکستان کونسل کے مرکزی رہنما نے جرمن سفارتخانے کی دعوت میں شراب نوشی کی جس کے باعث واپسی پر ان کی حالت غیر ہو گئی۔ جہلم کے قریب جی ٹی روڈ پر جب ان کی گاڑی کو روکا گیا تو ڈرائیور نے موقف اختیار کیا کہ پچھلی سیٹ پر دراز شخص کا ذہنی توازن خراب ہے۔ تحقیق کے بعد قانون نافذ کرنے والے اداروں کو پتہ چلا کہ گاڑی کی پچھلی سیٹ پر نشے کی حالت میں دھت پڑا شخص طاہر اشرفی ہے۔ قانون نافذ کرنے والے اداروں نے طاہر اشرف کی نشہ کی حالت میں ویڈیو بھی بنائی اور اس حوالے سے تفصیلی رپورٹ افسران بالا کو پیش کر دی ہے۔ ذرائع کا کہنا ہے کہ آئندہ چند دنوں میں یہ ویڈیو منطرعام پر آ سکتی ہے۔