صیہونی حکومت کو اقوام متحدہ کا انتباہ

اقوام متحدہ نے صیہونی حکومت سے مطالبہ کیا ہے کہ وہ علاقے میں کشیدگی اور اشتعال انگیزی سے گریز کرے۔ ذرائع کے مطابق اقوام متحدہ کے سکریٹری جنرل کے ترجمان نے ایک بیان میں سرزمین میں پیش آنے والے حالیہ واقعات پر خبردار کرتے ہوئے کہا ہے کہ اس قسم کے واقعات سے تمام علاقائی فریقوں کا اعتماد ختم ہوگا۔اقوام متحدہ کے سکریٹری جنرل بانکی مون نے فلسطین کے تمام فریقوں سے مطالبہ کیا ہے کہ وہ ایسے اقدامات کرنے سے گریز کریں جس سے علاقے میں کشیدگی پیدا ہوسکتی ہے۔ قابل ذکر ہے کہ حال ہی میں غاصب صیہونی حکومت نے مقبوضہ علاقوں میں صیہونی آباد کاری کا عمل تیز کرتے ہوئے غزہ پر فضائی حملے کئے ہیں جس سے علاقے میں پیدا ہونے والی ممکنہ کشیدگی پر گہری تشویش لاحق ہوگئی ہے۔