لبنان
لبنان، فوجیوں کے اغوا کا مسئلہ
اغواء ہونے والے لبنانی فوجیوں کی رہائی کے لئے ثالثی کے حوالے سے لبنان کے مسلمان علماء کے وفد کی کنارہ کشی کے ساتھ ہی، اغواء ہونے والے لبنانی فوجیوں کی رہائی کے لئے ترکی اور قطر کی خفیہ ایجنسیاں میدان میں آگئي ہیں۔ لبنان کی العہد نیوز کی رپورٹ کے مطابق لبنان کے مسلمان علماء کے وفد نے بیروت میں لبنان کے وزیر اعظم تمّام سلام سے ہونے والے اجلاس کے بعد، اس بات کا ذکر کرتے ہوئے کہ اس مسئلہ کے حل کی راہ میں رکاوٹیں زیادہ اور ان کے پاس موجودوسائل کم ہیں، اعلان کیا ہے کہ لبنان کے مشرقی علاقے عرسال میں رونما ہونے والی حالیہ تبدیلیوں کے دوران اغواء ہونے والے لبنانی فوجیوں کی رہائی کے لئے، ثالثی کے عمل سے کنارہ کشی اختیار کی جارہی ہے۔ عرسال میں داعش نے 14 لبنانی فوجیوں اور 15 سیکیورٹی اہلکاروں کو اغواء کر لیا ہے۔