شام و لبنان کی سرحد سے دہشتگردوں کا صفایا

حزب اللہ لبنان نے شام سے ملنے والے لبنان کے سرحدی علاقوں سے دہشتگردوں کا صفایا کرنا شروع کردیا۔ارنا کی رپورٹ کے مطابق حزب اللہ لبنان نے شام سے ملنے والے لبنان کے ان سرحدی علاقوں سے، کہ جہاں شام سے فرار کرنے والے دہشتگردوں نے پناہ لینے کی کوشش کی تھی، دہشتگردوں کا صفایا کرنے کیلئے مختلف علاقوں میں وسیع پیمانے پر کاروائیاں شروع کی ہیں۔ ان کاروائیوں کا مقصد دہشتگردوں کے ٹھکانوں کو تباہ بھی کرنا ہے۔حزب اللہ لبنان کی جانب سے دہشتگردوں کا صفایا کرنے کا یہ اقدام، ایسی حالت میں عمل میں آیا ہے کہ لبنان کی فوج نے بھی شام سے ملنے والے مشرقی سرحدی علاقوں کی سیکیورٹی کو مستحکم بنانے کیلئے اپنی موثر کاروائیاں شروع کردی ہیں۔