امریکی جمہوریت علاقے کے لوگوں کے قتل پر مبنی
حزب اللہ لبنان کے ایک سینئر لیڈر سید ابراہیم امین السید نے کہا ہے کہ امریکی جمہوریت علاقے کے لوگوں کے قتل پر مبنی ہے۔
اطلاعات کے مطابق حزب اللہ لبنان کی سیاسی کونسل کے سربراہ سید ابراہیم امین السید نے آج شام کے خلاف سازشوں کی ناکامی پر تاکید کرتے ہوئے کہ دشمن ہر قیمت پر علاقے میں مسلط ہونا چاہتے ہیں اور یہ وہی جمہوریت ہے جس کا امریکہ خواہاں ہے یعنی علاقے کے لوگوں کا قتل و غارت۔ابراہیم امین السید لبنان کے مشرق میں ایک اجتماع سے خطاب کر رہے تھے۔انہوں نے مغربی ممالک کو مخاطب کرتے ہوئے کہا کہ تم نے شام اور لبنان کے خلاف اپنی سازشوں سے کیا حاصل کیا، کیا شام میں قتل و غارت کے علاوہ کچھ اور تمہیں حاصل ہوا ہے؟انہوں نے کہا کہ ہم علاقے میں امریکہ اور مغربی ممالک کے مجوزہ اسلام کے مخالف ہیں اور مشرق وسطی میں انجام دئيے گئے تمہارے جرائم کے سلسلے میں تمہیں معاف نہیں کریں گے۔