نیا مشرق وسطی وجود میں لانے کی سازش ناکام سید حسن نصراللہ
حزب اللہ لبنان کے سربراہ سید حسن نصراللہ نے کہا ہےکہ دوہزار چھے میں صیہونی حکومت کی جانب سے چھیڑی گئي تینتیس روزہ جنگ کا مقصد لبنان، فلسطین، شام اور ایران کو شکست دے کر نیا مشرق وسطی وجود میں لانا تھا۔ ارنا کی رپورٹ کے مطابق سید حسن نصراللہ نے صیہونی حکومت کی تینتیس روزہ جارحیت میں بنیادی تنصیبات کو ہونےوالے نقصانات کی تعمیر نو کی مناسبت سے منعقد کئے گئے جشن میں کہا کہ تینتیس روزہ جنگ کا مقصد صرف حزب اللہ کو ختم کرنا نہیں تھا بلکہ لبنان اور سارے علاقے کو امریکہ اور اسرائيل کے آلہ کار عرب ملکوں کے زمرے میں شامل کرنا تھا۔ یاد رہے تینتیس روزہ جنگ میں صیہونی حکومت کو حزب اللہ کے ہاتھوں شکست فاش ہوئي ہے جس کے زخم وہ آج بھی چاٹ رہی ہے۔ اس جنگ میں حزب اللہ نے صیہونی حکومت کو ہزیمت اور ذلت سے دوچار کرکے عرب قوموں اور مسلمانون کو ذلت سے بچالیا اور نيا مشرق وسطی کا امریکہ اور صیہونی حکومت کا منصوبہ ناکام بنادیا۔ صیہونی حکومت کے ساتھ ساز باز کے خواہاں عرب ملکوں نے تینتیس روزہ جنگ کے دوران ایک بار پھر خیانت کرتے ہوئے صیہونی حکومت کا ساتھ دیا تھا۔