ہندوستان میں رہائش پذیر میانماری مسلمانوں کیلئے ایران کی امداد
ہندوستان کے شہر حیدرآباد میں میانمار کے مسلمان پناہ گزینوں کیلئے اسلامی جمہوریہ ایران کی امداد کی پہلی کھیپ آج ان پناہ گزینوں کے نمائندے کے سپرد کردی گئی ۔
تقریب نیوز (تنا): اس موقع پر شہر حیدرآباد میں ایران کے قونصل جنرل جناب محمود صفری نے میانماری مسلمانوں کے قتل عام کی شدید مذمت کرتے ہوئےکہا کہ عالمی اداروں اور بین الاقوامی تنظیموں کو چاہئے کہ اس سلسلے میں فوری طور پر موّثر اقدامات عمل میں لائیں۔
انھوں نے کہا کہ ایران،میانمار کی حکومت سے اس بات کا خواہاں ہے کہ وہ ایسے جرائم کی روک تھام کرے جو ہزاروں مسلمانوں کے قتل عام اوربے گھر ہونے کا باعث بنے ہیں۔
قابل ذکر ہے کہ بودائیوں کی جارحیت میں میانمار میں ہزاروں مسلمان جاں بحق و زخمی اور لاکھوں دیگربے گھر ہوئے ہیں اور تقریبا ڈھائی سو میانماری مسلمانوں نے ہندوستان کے شہر حیدرآباد میں پناہ لی ہے ۔