سعودی عرب کے ایک مفتی نے پیغمبر اسلام حضرت محمد مصطفی ص کی قبر کھودنے اور مسجدالنبی کو پوری طرح منہدم کرنےمنصوبہ پیش کردیا

سعودی عرب کے ایک مفتی نے پیغمبراسلام حضرت محمد مصطفی صلی اللہ علیہ وآلہ وسلم کی قبر کھودنے کا منصوبہ پیش کیا ہے۔

برطانیہ سے شائع ہونے والے اخبار اینڈیپنڈنٹ نے پیر کوایک رپورٹ دی ہے کہ علی بن عبدالعزیز شبل نامی ایک سعودی مفتی نے اس ملک کے حکام کو اکسٹھ صفحات پر مشتمل اپنے منصوبے میں مقدس شہر مدینہ منورہ میں واقع پیغمبر اسلام حضرت محمد مصطفی صلی اللہ علیہ وآلہ وسلم کی قبر کھودنے اور مسجدالنبی کو پوری طرح منہدم کرنے کی بات کی ہے۔
سعودی عرب کے ایک معلم عرفان علوی نے اس منصوبے سے پردہ اٹھاتے ہوئے کہا ہے کہ اس منصوبے میں کہا گیا ہے کہ مسجد النبی کو پوری طرح سے شہید کردیاجائے اور پیغمبرکی قبر کھود کر جنازہ باہر نکالا جائے اور قبرستان بقیع میں نامعلوم طور پر دفن کردیاجائے۔
علوی نے بتایاکہ اس منصوبے کے مطابق گذشتہ صدیوں میں مدینہ منورہ میں باقی تمام اسلامی یادگاروں بالخصوص مسجدالنبی کے ہرگنبد کو منہدم کردیاجائےگا۔ اس منصوبے کے ایک اور حصے میں کہا گیا ہے کہ مسجدالنبی کے چاروں طرف قائم ان تمام مقامات کو بھی ڈھا دیا جائے جن میں پیغمبراسلام صلی اللہ علیہ وآلہ وسلم کے اہل بیت رہتے تھے۔
اینڈیپنڈنٹ نے لکھا ہے کہ ابھی اس بات کی کوئي اطلاع نہيں ہے کہ سعودی عرب کی حکومت نے اس منصوبے کو منظوری دی ہے یا نہيں۔
اس سے قبل خلیج نامی ایک ادارے نے اعلان کیا تھا کہ شہرمدینہ کی تعمیر نو کے منصوبے کے تحت اب تک ایک ہزارسال سے بھی زيادہ قدیمی پنچانوے فیصد اسلامی عمارتیں گرائی جاچکی ہيں اور ان کے مقام پر لگزری اپارٹمنٹ اور ہوٹل بنا دیئےگئے ہيں۔