سياسي قيديوں کی رہائي کے حق ميں ايک بار پھر مظاہرہ
سعودي عرب کے صوبہ القصيم کے شہر البريدہ کے باشندوں نے سعودي جيلوں ميں بند سياسي قيديوں کي رہائي کے حق ميں اور حکومت کي تشدد آميز پاليسيوں کے خلاف مظاہرہ کيا – مظاہرين نعرے لگارہے تھے کہ سياسي قيديوں کو جو برسوں سے کسي مقدمے کا سامنا کئے بغير جيلوں ميں بند ہيں رہا کيا جائے – اس مظاہرے کے دوران جس کا عنوان تھا کہ <<خاموشي کب تک مظاہرين نے سياسي قيديوں کو سيکورٹي فورس کے اہلکاروں کے ہاتھوں دي جانے والي ايذاؤں کي بابت خبردار کيا –
مظاہرين اس بات کااعلان کررہے تھے کہ جب تک ان کے مطالبات پورے نہيں ہوجاتے وہ اپنا احتجاج جاري رکھيں گے – مظاہرين نے ملک کے ديگر شہروں کے عوام سے بھي کہا کہ وہ بھي آل سعود حکومت کي ظالمانہ اور تشدد آميز پاليسيوں کے خلاف سڑکوں پر نکل آئيں –
واضح رہے کہ سعودي عرب کي جيلوں ميں ہزاروں کي تعداد ميں لوگ سياسي الزامات کے تحت گذشتہ کئي برسوں سے قيد کي زندگي گذار رہے ہيں جن پر ابھي تک کوئي مقدمہ بھي نہيں چلايا گيا ہے –
سعودي عرب کي انساني حقوق کي تنظيموں کے اتحاد حسم کا کہنا ہے کہ آل سعود کي جيلوں ميں تيس ہزار افراد سياسي الزامات کے تحت بند ہيں – ايمنسٹي انٹرنيشنل سميت مختلف تنظيموں نے سعودي عرب کي حکومت پر انساني حقوق کي خلاف ورزي کرنے پر سخت تنقيديں کي ہيں.
