سعودی عرب
شاہ عبداللہ نے امریکہ سے ایران پر حملے کا مطالبہ کیا تھا
![king_abdullah](images/stories/king_abdullah.jpg)
وکی لیکس کی دستاویزات کے مطابق قطر بحرین متحدہ عرب امارات اور اسی طرح اسرائیل کی حکومت سمیت علاقے کے بعض عرب ملکوں کے سربراہوں نے بھی اسلامی جمہوریہ ایران کے پرامن ایٹم پروگرام کو اپنے لیے خطرہ قرار دیتے ہوئے امریکہ سے ایران کی ایٹمی تنصیبات پر حملہ کرنے کا مطالبہ کیا تھا۔
وکی لیکس کے یہ دعوے اور دستاویزات ایک ایسے وقت پر سامنے آئی ہیں کہ جب شروع میں یہ ویب سائٹ واشنگٹن کی جنگ پسندانہ پالیسیوں کا پردہ چاک کرنے اور عراق و افغانستان میں عام شہریوں کے قتل عام کی مذمت کرنے کے درپے تھی۔ لیکن تجزیہ نگاروں کا خیال ہے کہ حال ہی میں وکی لیکس نے جو دستاویزات جاری کی ہیں درحقیقت یہ ایک ایسا ڈرامہ ہے جو امریکہ کے خفیہ اداروں نے بڑی دقت و مہارت سے تیار کیا ہے تا کہ اس طریقے سے امریکہ کی داخلی مشکلات و مسائل سے لوگوں کی توجہ ہٹائي جائے اور علاقے کے حالات کو الٹا دکھا کر ایران کے خلاف فوجی کارروائی کے لیے راستہ ہموار کیا جائے۔