متفرقہ
لندن میں ہزاروں مسلمانوں کا توہین آمیز فلم کے خلاف احتجاجی مظاہرہ
برطانیہ کے ہزاروں مسلمانوں نے ایک بارپھر اسلامی مقدسات کی شان میں گستاخی کے خلاف احتجاج کرتے ہوئے گوگل سے توہین آمیز فلم ہٹانے کا مطالبہ کیا ہے –
لندن سے ہمارے نمائندے کی رپورٹ کے مطابق دس ہزار کے قریب برطانوی مسلمانوں نے کل لندن میں گوگل کے مرکزی دفتر کے سامنے احتجاجی مظاہرہ کرتے ہوئے پیغمبر اسلام ۖ کی شان میں توہین آمیز فلم کو یوٹیوب سے ہٹانے کا مطالبہ کیا – اس موقع پر مظاہرین نے آزادی اظہار کے بہانے اسلامی مقدسات کو نشانہ بنانے کی شدید مذمت کی –
مظاہرے کے منتظمین نے کہا ہے کہ وہ اس سلسلے میں احتجاج جاری رکھ کر دنیا بھر میں گوگل کے دفاتر کے سامنے مظاہرے کریں گے تاکہ اس کمپنی کے حکام کو گستاخانہ فلم ہٹانے پر مجبور کیا جائے