یورپی ممالک کو اپنے کئے کی قیمت چکانا پڑے گی

شام کے صدر بشار اسد نے کہا ہے کہ اگر یورپی ممالک نے دہشتگرد باغیوں کو مسلح کرنے کی کوشش بھی کی تو انہیں اس کی قیمت چکانا پڑے گی۔
انہوں نے ایک جرمن اخبار کو انٹرویو دیتے ہوئے کہا کہ اگر یورپی ممالک نے دہشتگردوں کو اسلحہ فراہم کیا تو یورپ کا پر سکون خطہ دہشتگردوں کے گڑھ میں تبدیل ہو جائے گا اور یورپ کو اسکی قیمت چکانا پڑے گی۔
انہوں نے کہا کہ ایسے اقدام سے دہشتگرد ماہر جنگجووں میں تبدیل ہو جائیں گے اور ایک بار پھر اپنی افراطی آئیڈیولوجی کے ساتھ پلٹ آئیں گے۔
بشار اسد نے برطانیہ، امریکہ اور فرانس کے اس دعوے کو یکسر مسترد کر دیا کہ شامی فوجوں نے دشتگردوں کے خلاف کیمیاوی ہتھیاروں کا استعمال کیا ہے۔
انہوں نے کہا کہ اگر یورپ اور امریکہ کے پاس اس بات کا کوئی چھوٹا سا ثبوت بھی ہوتا تو وہ اس کو عوام الناس کے سامنے لے آتے۔