انقلابی تحریک جاری رہے گی؛ بحرینیوں کا عزم مصّمم
21 جنوری, 2013 08:19
بحرین کی جمعیت الوفاق الاسلامی کے سیکریٹری جنرل نے کہا ہے کہ بحرینی عوام استبدادی حاکمیت کو قبول کرنے پر تیار نہیں ہیں۔
العالم کی رپورٹ کے مطابق بحرین کی جمعیت اسلامی الوفاق کے سیکریٹری جنرل شیخ علی سلمان نے آج بحرین کے دارالحکومت منامہ میں ایک پریس کانفرنس میں کہا کہ بحرین کی حکومت، اس ملک کے عوام کے جائز و قانونی مطالبات کا جواب نہ دے کر غلط راستے پر گامزن ہے۔
شیخ علی سلمان نے مزید کہا کہ ملت بحرین نے اپنے ملک میں انقلاب کے راستے میں بڑی قربانیاں دیں اور قید و بند کی صعوبتیں شہادتیں اور اپنے ملک سے مجبورا ہجرت کو برداشت کیا ہے۔
شیخ علی سلمان نے مزید کہا کہ بحرین کے حکومت مخالفین اپنے جائز و قانونی مطالبات کے لئے اپنے احتجاج کو جاری رکھیں گے اور اس راستے میں ہر قسم کی قربانی دینے سے دریغ نہیں کریں گے۔
۔۔۔۔۔۔۔۔۔
