بحرين کي انقلابي تحريک

بحرين ميں حکومت مخالف سياسي کارکنوں کي سزاؤں کي توثيق پر ملک کے اندر اور بين الاقوامي تنظيموں کي جانب سے ردعمل کا سلسلہ جاري ہے –
ہيومن رائٹس واچ ، ايمنسٹي انٹرنيشنل اور انساني حقوق کي ديگر عالمي تنظيموں ، اقوام متحدہ ، يورپي يونين، برطانيہ اور فرانس نے بحرين کي اپيل کورٹ کي جانب سے سياسي قيديوں کي ظالمانہ سزاؤں کو برقرار رکھے جانے کي مذمت کي ہے –
اقوام متحدہ کے سيکريٹري جنرل بان کي مون نے ان سزاؤں کو غير منصفانہ قرار ديتے ہوئے مطالبہ کياہے کہ فيصلے پر نظر ثاني کي جائے –
يورپي يونين خارجہ پاليسي کي سربراہ کيتھرن اشٹن نے بھي ايک بيان جاري کرکے ، ان سياسي قيديوں کي فوري رہائي کا مطالبہ کيا ہے – برطانيہ اور فرانس نے بھي فيصلے پر نظر ثاني کا مطالبہ کيا –
اسي کے ساتھ بحرين کي مختلف سياسي جماعتوں اور تنظيموں نے بھي ان سزاؤں کو عدليہ کے آزاد نہ ہونے کا ثبوت بتايا ہے –
بحرين کي نيشنل ڈيموکريٹک ايسوسي ايشن کے نائب سربراہ حس المرزوق نے کہا ہے کہ يہ ظالمانہ فيصلہ آل خليفہ حکومت کے خلاف عوامي تحريک ميں شدت پر منتج ہوگا –
قومي وفاق پارٹي کے سربراہ شيخ علي سلمان نے کہا ہے کہ سياسي کارکنوں کے خلاف يہ فيصلہ اس بات کا باعث بنے گا کہ عوام اپني انقلابي تحريک کو شديد ترکرديں –
اسي کے ساتھ بحرين کے مختلف شہروں ميں عوام نے بھي مظاہرے کرکے ان سزاؤں کي مذمت کي اور اعلان کيا ہے کہ ان کي تحريک آل خليفہ حکومت کے خاتمے تک جاري رہے گي-
رپورٹ کے مطابق مظاہرين کے ہاتھوں ميں بحرين کا قومي پرچم اور سياسي کارکنوں کي تصاوير تھيں – مختلف شہروں ميں آل خليفہ اور آل سعود کے فوجيوں نے مظاہرين پر فائرنگ اور زہريلي آنسو گيس کي شيلنگ کرکے مظاہروں کي سرکوبي کي کوشش کي ہے – بعض شہروں ميں سعودي فوجيوں اور بحريني سيکورٹي اہلکاروں سے مظاہرين کي جھڑپيں بھي ہوئي ہيں –
قابل ذکر ہے کہ بحرين کي اپيل کورٹ نے تيرہ سياسي کارکنوں کو فوجي عدالت سے دي جانے والي سزاؤں کو برقرار رکھنے کا اعلان کيا ہے – ان ميں سات سياسي کارکنوں کو عمر قيد، چار کو پندرہ پندرہ سال اور دو کو پانچ پانچ سال قيد کي سزائيں سنائي گئي ہيں –