شام کا سعودي عرب قطر اور ترکي پر الزام
شام کي حکومت نے باضابطہ طور پر سعودي عرب قطر اور ترکي پر الزام لگايا ہے کہ وہ شام ميں دہشت گردوں کي حمايت کررہے ہيں
شام کي وزارت خارجہ نے اقوام متحدہ کے سکريٹري جنرل بان کي مون اور سلامتي کونسل کے چئير مين کے نام دو الگ الگ خط ارسال کرکے سعودي عرب ، قطر اور ترکي پر الزام لگايا ہے کہ يہ ممالک شام ميں بدامني پھيلانے ميں مصروف دہشت گردوں کي ہتھياروں اور پيسوں سے کھل کر حمايت کررہے ہيں –
ان دونوں خطوں ميں شام کي حکومت نے کہا ہے کہ دہشت گرد گروہوں نے پچھلے چند دنوں کے دوران بے گناہ شہريوں کو بيرحمي کے ساتھ قتل اور لوگوں کي املاک کو تباہ کرنا شروع کرديا ہے –
شام کي حکومت نے اپنے مراسلوں ميں کہا ہے کہ دہشت گردوں نے دمشق اور حلب ميں انتہائي وحشيانہ کاروائيوں کا ارتکاب کيا ہے اور حلب ميں ابھي بھي ان کے مجرمانہ اقدامات جاري ہيں –
شام کي حکومت نے کہا ہے کہ بہت سے دہشت گرد ترک حکومت کي مدد سے شام ميں داخل ہوئے ہيں اور انہوں نے متعدد علاقوں پر قبضہ کرکے عام شہريوں کو انساني ڈھال کے طور پر استعمال کرنا شروع کرديا ہے –