حضرت علی علیہ السلام کے حرم مطہر کا توسیعی منصوبہ
عراق کے ہاؤسنگ کے وزیر نے اس ملک مقدس شہر نجف اشرف کے دورے کے موقع پر امیرالمومنین حضرت علی علیہ السلام کے حرم مطہر کے توسیعی منصوبے کے لئے کئی پلاٹس الاٹ کئے جانے کے لئے عراق کی وزارت ہاؤسنگ کی آمادگی کی خبر دی ہے ۔
عراق کے ہاؤسنگ کے وزیر ” عادل مھدور ” آج عراق میں فارس نیوز کے ساتھہ گفتگو کرتے ہوئے امیرالمومنین حضرت علی علیہ السلام کے حرم مطہر کے توسیعی منصوبے کے لئے کئی پلاٹس الاٹ کئے جانے کے لئے عراق کی وزارت ہاؤسنگ کی آمادگی کی خبر دی ہے ۔ ” عادل مھدور ” نے عراق کے مقدس شہر نجف اشرف کے دورے کے موقع پر تاکید کی کہ عراق کی وزارت ہاؤسنگ نے فیصلہ کیا ہے امیرالمومنین حضرت امام علی علیہ السلام کے حرم مطہر سے ملحقہ پلاٹس امام علی علیہ السلام کے حرم مطہر کے متولی کو الاٹ کر دیئے جائیگے ۔ اس وقت بھی نجف اشرف میں حرم علوی کی توسیع کا کام جاری ہے اور حرم مطہر کے مشرقی حصے میں صحن فاطمۃ الزھرا (س) تعمیر کے آخری مراحل میں ہے ۔