علمائے دین کے اتحاد پر آیۃ اللہ ناصر مکارم شیرازی کی تاکید

ایران کے ایک نامور مرجع تقلید آیۃ اللہ ناصر مکارم شیرازی نے مسلمانوں کے مسائل کے حل سلسلے میں علمائے کرام کے کردار کی ضرورت پر تاکید کی ہے۔ انھوں نے ہفتۂ وحدت کے دوران تہران میں منعقد ہونے والی وحدت اسلامی کانفرنس کے شرکاء سے اپنے خطاب میں تکفیری دہشتگرد گروہوں کو عالم اسلام کا ایک اہم مسئلہ قرار دیا اور کہا کہ یہ تکفیری دہشتگرد گروہ، نہ صرف اسلام و مسلمین بلکہ پوری عالمی برادری کیلئے خطرہ شمار ہوتے ہیں۔
آیۃ اللہ ناصر مکارم شیرازی نے مسلمانوں کے درمیان اتحاد کے عمل میں علمائے دین کے کردار کی اہمیت پر تاکید کرتے ہوئے کہا کہ علمائے کرام، اگر اپنی ذمہ داریوں پر مکمل طور پر اچھی طرح سے عمل کریں تو دنیا کی کوئی طاقت، عالم اسلام کیلئے خطرہ نہیں بن سکتی۔ واضح رہے کہ تہران میں ستّائیسویں وحدت اسلامی بین الاقوامی کانفرنس، اتوار کی رات میں ایک بیان جاری کئے جانے ساتھ ختم ہوگئی تھی۔