ایٹمی مسئلہ حل نہ ہونے کے باوجود ہمیں کامیابیاں حاصل ہے علی اکبر صالحی
اسلامی جمہوریہ کے وزیر خارجہ علی اکبر صالحی نے وزیر خارجہ کی حیثیت سے میڈیا سے آخری بار گفتگو کرتے ہوئے کہا ہے کہ ایٹمی مسئلہ ابھی حل نہیں ہوا ہے لیکن ہمیں کامیابیاں حاصل ہوئي ہیں اور پانچ جمع ایک گروپ نے پہلی مرتبہ لچک کا مظاہرہ کیا ہے اور کوئي ایسی بات نہیں ہے کہ جو ایران نے ایٹمی ٹکنالوجی میں حاصل نہ کی ہو۔ انہوں نے کہا ایران نے جو استقامت کا مظاہرہ کیا اس کے نتیجے میں بہت سی کامیابیاں حاصل کی ہیں اور ایٹمی ہتھیاروں کے حرام ہونے کے بارے میں رہبرانقلاب اسلامی کے فتوے کے بعد مغرب کو معلوم ہو گیا کہ اب ایران کے ساتھ کام کرنے کےعلاوہ کوئي چارہ نہیں ہے۔ علی اکبر صالحی نے کہا کہ ایٹمی معاملہ ایسے مرحلے تک پہنچ چکا ہےجس کے بعد اس کا حل یقینی بن چکا ہے۔ انہوں نے کہاکہ ایران نے اپنی خارجہ پالیسی میں ہمیشہ مفاہمت آمیز، تعاون پر مبنی اور اپنے اھداف و مقاصد پر مبنی نیز منصفانہ زبان استعمال کی ہے۔