ڈاکٹر ولایتی کے ذریعےرہبر معظم سید علی خامنہ ای کا تعزیتی پیغام شہدائے پاکستان کے لواحقین کے نام
رہبر معظم کے مشیر ڈاکٹر ولایتی نے پاکستان کے شہر کوئٹہ میں جدید ٹرورسٹی حوادث میں قربان ہونے والے بے گناہ شہداء کے گھر والوں سے ملاقات کی اور رہبر معظم کا تعزیتی پیغام انہیں سنایا۔
رہبر انقلاب حضرت آیت اللہ خامنہ ای کے مشیر علی اکبر ولایتی جو حالیہ پاکستانی دورے پر ہیں نے آج پاکستان میں جدید ٹرورسٹی حوادث کا شکار ہونے والے شیعہ شہداء کے لواحقین اور گھر والوں سے ملاقات کی اور انہیں رہبر معظم کی طرف سے تسلیت اور تعزیت پیش کرتے ہوئے معظم لہ کا تعزیتی پیغام سنایا۔
نیز ڈاکٹر ولایتی نے اس دورے میں شورائے وحدت کے اراکین منجملہ، سردار سعادت، عبد القیوم چنگیز، حجۃ الاسلام و المسلمین جمعہ اسدی، سے بھی کوئٹہ میں ملاقات کی اور شیعہ اور اہلسنت کے درمیان وحدت اور بھائی چارگی کو ضروری قرار دیا اور اتحاد بین المسلمین پر تاکید کی۔
پاکستانی ذرائع ابلاغ کے مطابق شہر کوئٹہ میں شیعہ اور سنی علماء کے ساتھ میٹنگ، ڈاکٹر ولایتی کے اس سفر کا ایک اہم پروگرام رہا ہے۔ اس میٹنگ میں اسلامی فرقوں کے درمیان اتحاد قائم کرنے کے لیے طریقہ کار تلاش کرنے پر گفتگو کی گئی۔
قابل ذکر ہے کہ ڈاکٹر ولایتی کے ساتھ کوئٹہ میں منعقد ہونے والی میٹینگ میں اہل سنت کے علماء، قاری عبد الرحمن، حافظ حمد اللہ، مولوی حبیب اللہ چشتی، نیز اہل حدیث ، علماء دیوبند، علماء بریلوی، جماعت اسلامی اور علماء شیعہ میں سے حجۃ الاسلام و المسلمین سید ہاشم موسوی، اور حجۃ الاسلام و المسلمین رفیعی بھی موجود تھے۔
