![](media/k2/itemss/srcc/2e44b6dae4f14caeaae4636483b6e1e3.jpg)
![dr_ahmedi_nijad](images/stories/dr_ahmedi_nijad.jpg)
اسلامی جمہوریہ ایران کے صدر ڈاکٹر محمود احمدی نژاد نے علاقائی اور عالمی مسائل میں ایران اور زیمبابوے کے مشترکہ موقف پر زور دیتے ہوئے دونوں ملکوں کے تعلقات میں فروغ پر زور دیا ہے۔
صدر ڈاکٹر محمود احمدی نژاد نے گزشتہ رات تہران میں زیمبابوے کے وزیر خارجہ سمبا راشے مومن گینگوی سے ملاقات میں دو طرفہ اور علاقائی تعلقات کی سطح کو بڑھانے کے لیے دونوں ملکوں کے وسائل کو بروئے کار لانے کی ضرورت پر زور دیتے ہوئے کہا کہ مختلف
شعبوں میں ایران اور زیمبابوے کے تعاون میں اضافہ دونوں ملکوں کی قوموں اور علاقے کے ممالک کے فائدے میں ہے۔
زیمبابوے کے وزیر خارجہ نےبھی اس ملاقات میں کہا کہ ان کا ملک ایران کے ساتھ اپنے تعلقات کو فروغ دینے کے لیے اپنی توانائیوں کو استعمال کرنے کا پختہ عزم رکھتا ہے اور وہ تہران کے ساتھ اپنے سیاسی و اقتصادی تعلقات کو مزید فروغ دینا چاہتا ہے۔