ساحلی علاقوں کی آزادی پر یمنی عوام کا جشن، سڑکوں پر نکل کر فوج کی بھرپور حمایت

شیعیت نیوز : یمن کے عوام نے ملک کے مختلف صوبوں میں بڑی ریلیاں نکال کر سعودی اتحاد اور اس سے وابستہ جنگجوؤں کے قبضے سے ساحلی علاقوں کو آزاد کرانے میں یمنی فوج کی شاندار کامیابی کا جشن منایا ہے۔ صنعا اور دیگر صوبوں میں منعقد ہونے والی ان تقریبات میں عوام کے مختلف طبقات نے بڑی تعداد میں شرکت کی اور مسلح افواج کی بھرپور حمایت جاری رکھنے پر زور دیا۔

ذمار اور صعدہ سے موصول ہونے والی خبروں کے مطابق، عوام نے حالیہ فوجی کامیابیوں کو جنگ کا توازن یمن کے حق میں تبدیل ہونے اور جارح قوتوں کی فوجی طاقت کے زوال کی واضح علامت قرار دیا۔ شرکاء نے ان عظیم کامیابیوں کو برسوں کی ناکہ بندی اور ظالمانہ جارحیت کے مقابلے میں یمنی عوام کے صبر اور بے مثال استقامت کا نتیجہ قرار دیا۔

یہ بھی پڑھیں : ایران اور روس کا جامع اسٹریٹجک معاہدے کے تحت تعلقات میں مزید وسعت پر زور

علاقائی امور کے تجزیہ کاروں کا کہنا ہے کہ ساحلی علاقوں میں فوجی کامیابیوں کے ساتھ ہی عوام کی بڑی تعداد کا سڑکوں پر نکل آنا سعودی اتحاد کے لیے ایک کھلا پیغام ہے کہ ان کا فوجی طریقہ کار مکمل طور پر ناکام ہو چکا ہے۔ دشمن کی جانب سے عوام کو مزاحمت کے مقاصد سے الگ کرنے کی تمام کوششیں بھی دم توڑ چکی ہیں۔

یمنی عوام نے ان اجتماعات کے ذریعے ایک بار پھر واضح کیا ہے کہ ملک کی مکمل آزادی اور مسلط کردہ ناکہ بندی کے حتمی خاتمے تک وہ مقاومتی مجاہدین کی حمایت ہر محاذ پر جاری رکھیں گے۔