تہران میونسپلٹی کا اربعین کے لیے بڑے پیمانے پر خدمتی انتظامات مکمل

شیعیت نیوز: اربعینِ حسینی کے موقع پر تہران میونسپلٹی نے زائرین کی خدمت اور راستوں کی صفائی کے لیے بڑے پیمانے پر انتظامات مکمل کر لیے ہیں۔ ویسٹ مینجمنٹ آرگنائزیشن کے سربراہ محسن قضاتلو کے مطابق اس سال "روضۂ رضوان” منصوبے کے تحت 1290 رضاکار خادمین عتباتِ عالیات روانہ کیے گئے ہیں جو صفائی، کچرے کی منتقلی اور شہری خدمات میں مصروف ہیں۔

انہوں نے بتایا کہ تقریباً 70 کچرا بردار گاڑیاں بھی عراق بھیجی گئی ہیں جو عراقی بلدیاتی اداروں کے تعاون سے نجف، کربلا اور پیدل مارچ کے راستوں پر صفائی کے فرائض انجام دے رہی ہیں۔ اس کے علاوہ صفائی کے مؤثر انتظام کے لیے مختلف صلاحیتوں کے ڈسٹ بن، 28 ہزار 200 کلوگرام کچرا بیگز اور دیگر ضروری آلات بھی زائرین کے راستوں پر فراہم کیے گئے ہیں۔

یہ بھی پڑھیں: بین الحرمین میں شہید امام خامنہ ای کے انتقام کا سب سے بڑا پرچم لہرایا گیا

تہران میونسپلٹی کے تقریباً 400 بسیجی رضاکار بھی زائرین کی خدمت کے مختلف منصوبوں میں شریک ہیں جبکہ نجف سے کربلا کے راستے میں موکبِ علی بن موسیٰ الرضاؑ شب و روز زائرین کی میزبانی میں مصروف ہے۔ رضاکار خادمین اپنی ذمہ داریاں مکمل کرنے کے بعد 11 سے 15 مرداد کے درمیان ایران واپس لوٹیں گے۔