کمپ بیورنگ پر ایرانی F-5 پائلٹ کا بہادر انٹرویو: "ہم 50 فٹ سے بھی کم اونچائی پر اڑ رہے تھے”

شیعیت نیوز : ایک ایرانی F-5 پائلٹ نے کمپ بیورنگ (امریکی فوجی اڈہ) پر کیے گئے حملے کی تفصیلات بیان کرتے ہوئے کہا ہے کہ وہ انتہائی کم اونچائی پر اڑ رہے تھے۔

پائلٹ نے بتایا: "معمول کی تربیت کے مطابق معیاری اونچائی تقریباً 500 فٹ ہوتی ہے، لیکن ہم 50 فٹ سے بھی کم اونچائی پر پرواز کر رہے تھے۔ ہم جانتے تھے کہ علاقے میں پیٹریاٹ سسٹم تعینات ہیں اور اس اڈے کی متعدد تہوں والی فضائی دفاعی نظام تھا۔ کویت کی طرف سے تعاون کی وجہ سے وہ اڈے کی حفاظت کر رہے تھے اور F-18 طیارے اس کی نگرانی کر رہے تھے۔”

انہوں نے کہا کہ AWACS طیارے اور نگرانی کے مراکز فعال تھے، مگر پوری پرواز مکمل ریڈیو سائلنس میں مکمل کی گئی۔ "ہم دو تین جہازوں کے درمیان سے گزرے، ہم اتنی کم اونچائی پر تھے کہ جہازوں کے ڈیک ہم سے اوپر تھے۔ ملاح ڈیک سے نیچے ہماری طرف دیکھ رہے تھے۔”

یہ بھی پڑھیں : متحدہ عرب امارات نے ایران کے خلاف امریکی-صہیونی جارحیت میں خفیہ کردار ادا کیا، صہیونی نیٹ ورک کا انکشاف

پائلٹ نے بتایا کہ کویت میں داخل ہونے کے بعد ہائی وولٹیج پاور لائنز اچانک 10 گنا زیادہ ہو گئیں۔ ریفائنریاں اور فوجی تنصیبات ہمارے راستے میں تھیں، ہم انہیں فوری طور پر نشانہ بنا سکتے تھے، مگر ہمارا ہدف صرف کمپ بیورنگ تھا۔

انہوں نے کہا کہ ہم نے انتہائی تیز رفتار اور انتہائی کم اونچائی پر یہ راستہ طے کیا اور پھر اڈے پر پہنچ کر کامیابی سے بمباری کی۔