1600 جہاز آبنائے ہرمز میں پھنس گئے، بین الاقوامی ادارے کا اعتراف: فوجی طاقت حل نہیں
WebDesk
07 مئی, 2026 19:15
شیعیت نیوز : امریکی نشریاتی ادارے سی این این نے اپنی رپورٹ میں بتایا ہے کہ تقریباً 1600 جہاز آبنائے ہرمز کے قریب سرگرداں ہیں۔ سی این این نے بین الاقوامی بحری ادارے کے حوالے سے مزید بتایا کہ جنگ کے آغاز سے اب تک 32 جہازوں پر میزائل حملے کیے جا چکے ہیں، جن کے نتیجے میں 10 افراد ہلاک اور 12 زخمی ہوئے ہیں۔
یہ بھی پڑھیں : ٹرمپ کا پروجیکٹ فریڈم ناکام، اتحادیوں کی مخالفت کے بعد آبنائے ہرمز سے پسپائی
رپورٹ کے مطابق، بین الاقوامی بحری ادارے نے اعتراف کیا ہے کہ آبنائے ہرمز میں فوجی اسکواڈ یا بحری نگرانی اس بحران کا کوئی مستقل اور پائیدار حل نہیں ہے۔ دوسری جانب الجزیرہ نے اپنی ایک رپورٹ میں اس بات پر زور دیا تھا کہ تہران نے آبنائے ہرمز سے گزرنے والے جہازوں کے لیے نئے طریقہ کار متعارف کرائے ہیں، جن میں فوجی اداروں کے ساتھ لازمی رابطہ اور مخصوص راستوں کی پابندی شامل ہے، جس کے ذریعے اس اہم گزرگاہ پر مزید کنٹرول حاصل کرنے کی کوشش کی جا رہی ہے۔
