فیملی کاؤنسلنگ کو اسلامی اصولوں کے مطابق فروغ دیا جائے: آیت اللہ اعرافی

شیعیت نیوز : سربراہ حوزہ علمیہ ایران آیت اللہ علی رضا اعرافی نے زور دیا ہے کہ Family Counseling (خاندانی مشورت) ایسا میدان ہے جو خاندانی نظام کو مضبوط اور معاشرے کو مستحکم بنا سکتا ہے، اس شعبے کو اسلامی تعلیمات کی روشنی میں جدید عالمی ماڈلز کے ساتھ ہم آہنگ کرتے ہوئے ترقی دی جانی چاہیے۔

یہ بات انہوں نے قم میں عدلیہ کے وکلاء، ماہرین اور فیملی کاؤنسلرز کے مرکز کے سربراہ اور معاونین سے ملاقات میں کہی۔ اس موقع پر انہوں نے آغازِ امامت امام زمانہ (عج) کی مبارکباد پیش کی اور عدلیہ کے شہداء کو خراج عقیدت پیش کیا۔

یہ بھی پڑھیں : علامہ سید ساجد علی نقوی کا کوئٹہ اور دیگر شہروں میں شہادتوں پر اظہارِ افسوس

آیت اللہ اعرافی نے کہا کہ وکلاء اور Counselors کا کام فقہ اور شریعت کے ساتھ جڑا ہوا ہے، اور اگر اس میں اخلاقی و اعتقادی پختگی شامل ہو تو اس کے نتائج کئی گنا بڑھ جاتے ہیں۔ ان کا کہنا تھا کہ قاضی اور وکیل کو دباؤ اور چیلنجز کے مقابلے میں ثابت قدم رہنا چاہیے اور اس کے لیے انہیں علمی اور اخلاقی طور پر خود کو بہتر بنانا ہوگا۔

انہوں نے مزید کہا کہ آج کے دور میں عدلیہ کو جدید ٹیکنالوجی سے آراستہ کرنا ناگزیر ہے، کیونکہ اس سے عوامی اعتماد میں اضافہ ہوگا اور مسائل کے حل کی رفتار بھی بڑھے گی۔

آیت اللہ اعرافی نے فیملی کاؤنسلنگ کو معاشرتی استحکام کی کنجی قرار دیتے ہوئے کہا کہ اس شعبے کو مقامی تقاضوں کے مطابق اسلامی بنیادوں پر آگے بڑھایا جائے۔ ساتھ ہی انہوں نے عدلیہ کی عوامی حقوق کے تحفظ کے اقدامات کو سراہا جن کی بدولت بڑے پیمانے پر کرپشن (بدعنوانی) کی روک تھام ممکن ہوئی اور عوام کا اعتماد بحال ہوا۔

ملاقات کے آخر میں حوزہ علمیہ اور وکلا کے مرکز اور Family Counselors کے درمیان ایک تعاون کے معاہدے پر دستخط کیے گئے۔