امریکہ اپنی ذمہ داریوں سے بھاگتا ہے، صرف طاقت کی زبان سمجھتا ہے، امام جمعہ تہران

شیعیت نیوز: تہران کے امام جمعہ آیت اللہ صدیقی نے نماز جمعہ کے خطبوں میں کہا کہ امریکی اور یورپی حکام ایران کے معاملے میں بین الاقوامی قوانین اور ضوابط کی پابندی نہیں کرتے۔

ایران ہمیشہ مزاحمتی محاذ اور شام کے ساتھ کھڑا رہا ہے

آیت اللہ صدیقی نے کہا کہ ہمارے ملک کے وزیر خارجہ نے شام اور ترکی کے دورے کے دوران اعلان کیا کہ "ایران ہمیشہ مزاحمتی محاذ اور شام کے ساتھ کھڑا ہے۔” ہمیں اس نفرت و عداوت کی آگ کو بجھانے کے لیے عزم بالجزم کرنا ہوگا۔

یہ بھی پڑھیں: شامی فوج کی حماہ میں بڑے پیمانے پر دہشت گردوں کے خلاف کارروائی

امریکہ کے ساتھ مذاکرات کی حقیقت

انہوں نے کہا کہ امریکہ ایران کے ساتھ مذاکرات کی اخلاقی اور قانونی حیثیت کھو چکا ہے۔ وہ مذاکرات نہیں کرتا بلکہ تاوان لیتا ہے۔ انہوں نے جے سی پی او اے کو پھاڑ دیا اور معاہدے سے دستبردار ہو گئے۔

امام جمعہ نے مزید کہا: "آخر ہم ایک ہی سوراخ سے کتنی بار ڈسے جائیں؟” ہم نے امریکہ کے ساتھ مذاکرات میں کبھی عزت حاصل نہیں کی۔ وہ اپنے کسی وعدے کی پابندی نہیں کرتے۔

امریکہ کے رویے پر سخت تنقید

انہوں نے واضح کیا کہ امریکی حکام ڈاکو اور باغی صفت لوگ ہیں جو صرف طاقت کی زبان سمجھتے ہیں۔ وہ تمام کمزور قوموں سے بھتہ مانگتے ہیں۔