امریکہ میں پاکستانی سفارت خانہ شیعہ نسل کشی پر دہشتگردوں کا ہمنوا بن گیا، احتجاجی مراسلہ وصول کرنے سے انکار کردیا

شیعیت نیوز : پاکستانی سفارت خانہ پاراچنار میں شیعہ نسل کشی پردہشت گردوں کا ہمنوا بن گیا۔

امریکی ریاست لاس اینجلس میں مظاہرین کی جانب سے پیش کردہ احتجاجی مراسلہ وصول کرنے اور اسے حکومت پاکستان تک پہنچانے سے انکار کردیا۔

مولانا قیصر عباس کی قیادت میں مظاہرین کی ایک بڑی تعداد نے حال ہی میں لاس اینجلس میں پاکستانی قونصلیٹ کا دورہ کر کے پاراچنار میں جاری نسل کشی کے خلاف ایک خط جمع کرایا۔

حیران کن طور پر، قونصلیٹ جنرل نے خط کو قبول کرنے سے انکار کر دیا اور اسے حکومت پاکستان کو بھیجنے سے انکار کر دیا۔

یہ بھی پڑھیں : پاراچنار کے عوام سالہا سال سے ظلم و ستم کا شکار ہیں، علامہ سبطین سبزواری

مظاہرین کی جانب سے قونصلیٹ جنرل سے مسلسل درخواست کی گئی کہ اس احتجاجی مراسلے کو وصول کیا جائے لیکن ان کی جانب سے ہٹ دھرمی کا مظاہرہ کیا گیا۔

امریکہ میں مقیم پاکستانی شیعہ کمیونٹی نے کہا ہے کہ قونصلیٹ جنرل کی ہٹ دھرمی کا یہ عمل گہری تشویش کا باعث ہے۔

کیونکہ یہ انسانی ہمدردی کے اس نازک مسئلے پر انصاف اور فوری کارروائی کا مطالبہ کرنے والی آوازوں کو کمزور کرتا ہے۔

پاراچنار میں معصوم جانوں کی حالت زار پر اس طرح کی نظر اندازی ناقابل قبول ہے اور احتساب کا تقاضا کرتی ہے۔