اسرائیل خون کی ہولی کھیل رہا ہے، عالم اسلام تماشہ دیکھ رہا ہے، علامہ راجہ ناصر

شیعیت نیوز : مجلس وحدت مسلمین پاکستان کے چیئرمین سینیٹرعلامہ راجہ ناصر عباس جعفری نے کہا ہے کہ اسرائیل کا ایران پر حملہ صیہونی ریاست کی طرف سے جارحیت کی ایک سنگین مثال ہے۔

یہ حملہ بے قابو عسکریت پسندی، مغرب کی طرف سے فوجی مہم جوئی کی حوصلہ افزائی اور بین الاقوامی قوانین کی کھلی خلاف ورزی کے تباہ کن نتائج کی واضح مثال ہے۔

امریکہ کی طرف سے اسرائیل کو ایران پر حملہ کرنے کے لیے لاجسٹک معاونت اور انٹیلیجنس فراہم کرنا بڑی عالمی طاقتوں کے تشدد کو دوام بخشنے میں ملوث ہونے کی نشاندہی کرتا ہے۔

امریکی طیاروں نے عرب ممالک کی فضائی حدود میں اسرائیلی طیاروں کو ایندھن فراہم کیا، جس سے اس بے خوف حملے کو ممکن بنایا گیا۔

پاکستان کے سینیٹ کے ایک رکن کی حیثیت سے میں بین الاقوامی برادری سے فوری طور پر اس بحران کے حل کے لیے اقدام کی اپیل کرتا ہوں۔

ہمیں ان عناصر سے جوابدہی کا مطالبہ کرنا چاہیئے اور فلسطین تنازعے کے پرامن حل کی جانب بڑھنا چاہیئے۔

یہ بھی پڑھیں : اسرائیلی حملہ ناکام، ایران میں زندگی معمول کے مطابق جاری

غزہ اور لبنان کے لوگ صیہونی جارحیت کے نتیجے میں شدید تکالیف برداشت کر چکے ہیں۔

ہمیں یہ نہیں بھولنا چاہیئے کہ اسرائیل نے ایران کے خلاف جارحیت کا آغاز کیا۔

بین الاقوامی برادری کی مشترکہ ذمہ داری ہے کہ وہ اسرائیل کے جنگی جرائم کو روکے۔

میں پاکستان کی حکومت سے مطالبہ کرتا ہوں کہ وہ ایران پر اس بلاجواز حملے کی مذمت کرے اور بین الاقوامی برادری کے ساتھ مل کر مزید کشیدگی کو روکنے کے لیے اقدامات کرے۔

لبنان پر اسرائیل کی پانچ ڈویژن نے حملہ کیا۔

لبنان میں حکومت نہیں بلکہ اسلامی مزاحمت لڑ رہی ہے۔

اسرائیل خون کی ہولی کھیلتا ہے اور مسلمان ممالک تماشہ دیکھ رہے ہیں۔