حکومت اپنی نااہلی کا اعتراف کرے اور پاراچنار میں امن قائم کرے، سید ناصر شیرازی

شیعیت نیوز : مجلس وحدت مسلمین پاکستان کے مرکزی جنرل سیکرٹری سید ناصرعباس شیرازی نے اپنے بیان میں کہا کہ خیبر پختونخواہ کے صوبائی وزیر قانون کا ضلع کرم میں حالیہ کشیدہ صورتحال پر فرقہ ورانہ اور متعصبانہ بیان جلتی پر تیل ڈالنے کے مترادف ہے جس کی شدید مذمت کرتے ہیں۔

پاکستان تحریک انصاف کی اعلی قیادت اور وزیر اعلی خیبر پختونخواہ اس کا نوٹس لیں۔

عوام کی جان و مال کا تحفظ انکی ذمہ داری اور فرض ہے اور اس لڑائی میں قیمتی اور معصوم شہریوں کی جانوں کا دفاع کریں۔

یہ بھی پڑھیں: سینیٹر علامہ راجہ ناصر عباس جعفری کی وزیراعلی خیبرپختونخوا سے ملاقات

انکے بیان سے تعصب اور فرقہ واریت کی بو آتی ہے، جو کہ پاکستان کی سالمیت اور انکی پارٹی پالیسی کے بھی خلاف ھے۔

اس طرح کے متعصبانہ رویہ سے علاقے میں اتحاد و وحدت کی فضاء قائم ہونے کی بجائے اسے شدید نقصان پہنچے گا۔

اس طرح کے بیانات سے واضح ہوتا ہے کہ یہ خود ایک نااہل شخص ہے، علاقے میں بارڈر پار سے ہونے والی دراندازی اور شدت پسندوں کے باڑ توڑ کرعام شہریوں پر حملہ آور ہونے کو روکنے کی بجائے مسئلے کا رخ موڑ کر اصل بات کو غلط رنگ دینے کی مضحکہ خیز کوشش کی جا رہی ہے۔

ایک ایسا اسلامی ملک جو فلسطینی عوام اور فلسطینی مسئلے کے ساتھ پورے عالم اسلام میں استقامت کے ساتھ کھڑا ہے اور مظلومین کی توانا آواز ہے اسے بدنام کرنے کی بھونڈی کوشش کی گئی ہے۔

صوبائی وزیر فوری طور پر اپنی اس بہیمانہ حرکت پر پوری قوم اور بالخصوص کرم کے عوام سے معافی مانگے۔

دوسری صورت میں کرم کے عوام یہ بتائیں گے کہ کس طرح کراس بارڈر دہشت گردی کو نہیں روکا جا رہا اور ذمہ دار ادارے اس کو روکنے میں ناکام ہیں۔