کوئٹہ علمدار روڈ پر 4فروی کو جلسہ عام میں ہزاروں افراد شریک ہوں گے،علامہ علی حسنین حسینی
اس موقع پر علاقے کے جوانوں اور بزرگوں نے درجنوں کی تعداد میں کارنر میٹنگ میں شرکت کی اور عام انتخابات میں مجلس وحدت مسلمین کے امیدواروں کی حمایت کا اعلان کیا۔
شیعیت نیوز: مجلس وحدت مسلمین بلوچستان کے رہنماؤں نے کہا ہے کہ قوم ان نمائندوں کو ووٹ دے، جو اسمبلی میں قوم کی صحیح نمائندگی کرتے ہوئے ہمارے حقوق کی بات کرسکے اور عوام کو حقوق دلا سکے۔
ماضی میں درست نمائندے اسمبلی میں قانون سازی کرتے تو بلوچستان محرومیوں کا شکار نہ ہوتا۔
ان خیالات کا اظہار ایم ڈبلیو ایم بلوچستان کے صوبائی نائب صدر و امیدوار حلقہ بی پی 42 علامہ علی حسنین حسینی اور ضلعی صدر و امیدوار این اے 263 ارباب لیاقت علی ہزارہ نے علمدار روڈ کے علاقے نیچاری کیمپ میں کارنر میٹنگ کے موقع پر شرکاء سے خطاب کرتے ہوئے کیا۔
اس موقع پر علاقے کے جوانوں اور بزرگوں نے درجنوں کی تعداد میں کارنر میٹنگ میں شرکت کی اور عام انتخابات میں مجلس وحدت مسلمین کے امیدواروں کی حمایت کا اعلان کیا۔
کارنر میٹنگ میں عالم دین علامہ ڈاکٹر محمد موسیٰ حسینی اور ایم ڈبلیو ایم بلیو ایم کے ضلعی کابینہ اراکین بھی موجود تھے۔
