حسینی فکر و فلسفے کو اپنا کر دنیا کو امن کا گہوارا بنایا جاسکتا ہے، علامہ مختار احمد امامی

شیعیت نیوز: مجلس وحدت مسلمین پاکستان صوبہ سندھ کے نائب صدر علامہ مختار احمد امامی نے کہا ہے کہ حسینی فکر و فلسفے اور کردار کو اپنا کر دنیا کو امن کا گہوارا بنایا جاسکتا ہے، یہی فکر کربلاء کے شہیدوں نے ہم تک پہنچائی اور مسلمانوں کو آج بھی استحکام کے ساتھ یکجا ہونے کی ضرورت ہے۔

یہ بھی پڑھیں : قرآن کی توہین کی اجازت دینا آزادی بیان کے منافی اور جدید جاہلیت کا عملی نمونہ ہے، صدر رئیسی

عشرہ محرم کی مجلس سے خطاب کے دوران انہوں نے کہا کہ اس وقت مظلوم اور محروم طبقات کسمپرسی کا شکار ہیں اور ان کی داد رسی کرنے والا کوئی نہیں ہے، ضرورت اس بات کی ہے کہ عدل و انصاف کا قیام ہو اور یتیم مسکین اور بے سہارا مسلمانوں کو بھی جینے کا حق دیا جائے، عوام بیدار ہوں اور اس سلسلے میں عملی اقدامات کریں۔

علامہ مختار احمد امامی نے مزید کہا کہ مسلم امہ بیداری کے ساتھ ساتھ اپنے اندر حسینی فکر جرأت و بہادری اور صبر و تحمل کو اپنائیں تاکہ انسانیت کو ریلیف ملے اور پریشان حال مومنین بہتر زندگی گزارنے کے قابل ہوسکیں۔

یہ بھی پڑھیں : سیکیورٹی کے نام پر عزاداری کے جلوسوں اور مجالس کوگھیر لیا جاتا ہے، آیت اللہ ریاض حسین

انہوں نے مزید کہا کہ امام حسنؑ اور امام حسینؑ جوانان جنت کے سردار ہیں اور یہ بات رسول اکرمؐ نے واضح طور پر کہی ہے خدا ان کو پسند کرتا ہے جو حسینؑ سے محبت کرتے ہیں لہٰذا ہمیں سچے عاشق رسولؐ ہونے کے ساتھ ساتھ امام حسینؑ کا عزادار بھی بننا ہوگا۔