ایران کی جانب سے آبنائے ہرمز کے قریب دو آئل ٹینکرز کو قبضے میں لینے کی خبر کی تردید

شیعیت نیوز: امریکی بحریہ کے اس دعوے کے بعد کہ ایران نے آبنائے ہرمز کے قریب دو آئل ٹینکرز کو قبضے میں لینے کی کوشش کی، ایک دفاعی ذریعے نے اس کی تردید کی۔

امریکی بحریہ نے ایک بیان جاری کرتے ہوئے دعویٰ کیا ہے کہ ایران نے بدھ کو آبنائے ہرمز کے قریب دو آئل ٹینکروں کو قبضے میں لینے کی کوشش کی اور ان میں سے ایک پر فائرنگ کی۔

امریکی بحریہ کے اس دعوے کے بعد کہ ایران نے آبنائے ہرمز کے قریب دو آئل ٹینکرز کو قبضے میں لینے کی کوشش کی، ایک دفاعی ذریعے نے اس کی تردید کی۔

یہ بھی پڑھیں : فلسطینی نوجوانوں نے اسرائیل کو طمانچہ رسید کر دیا، جنرل اسماعیل قاآنی

امریکی بحریہ کے بیان میں دعویٰ کیا گیا ہے کہ ایران نے بدھ کی صبح آبنائے ہرمز کے قریب دو آئل ٹینکروں کو قبضے میں لینے کی کوشش کی اور ان میں سے ایک پر فائرنگ کی، وہ پیچھے ہٹ گئے اور دونوں تجارتی جہازوں نے اپنا سفر جاری رکھا۔

امریکی بحریہ کے 5ویں بحری بیڑے کے ترجمان ٹِم ہاکنز نے دعویٰ کیا کہ ایرانی بحریہ نے قانونی طور پر بین الاقوامی پانیوں کو عبور کرنے والے کمرشل آئل ٹینکرز کو پکڑنے کی کوشش کی۔

ان کے مطابق امریکی بحریہ نے فوری ردعمل کا اظہار کرتے ہوئے ان جہازوں کو قبضے میں لینے سے روک دیا۔ دوسرے جہاز پر فائرنگ کے نتیجے میں کوئی جانی یا بڑا نقصان نہیں ہوا۔

امبری، جو میری ٹائم انٹیلی جنس خدمات فراہم کرتا ہے، نے یہ بھی دعویٰ کیا کہ جس ٹینکر پر گولی چلائی گئی اس میں بہامیا کا جھنڈا تھا اور اس کا تعلق یونان سے تھا اور اس کا انتظام امریکہ کرتا تھا۔ یہ ٹینکر متحدہ عرب امارات سے سنگاپور جا رہا تھا۔

کمپنی نے مزید کہا کہ فائرنگ کا واقعہ عمان کے دارالحکومت مسقط سے 28 میل شمال مشرق میں پیش آیا۔