لبنان میں فلسطین کی مزاحمت کی کمیٹی کی ایران کی حمایت کا علان

شیعیت نیوز: لبنان میں فلسطین کی مزاحمت کی کمیٹی نے اس بات پر زور دیا کہ یہ کمیٹی ایران کی حمایت کرے گی۔

تقریب خبر رساں ایجنسی کی رپورٹ کے مطابق، لبنان میں فلسطین کی مزاحمت کی کمیٹی نے کل بروز بدھ کو حزب اللہ میں فلسطینیوں کے ساتھ تعلقات کے ذمہ دار حسن حبل اللہ کی صدارت میں اپنے متواتر اجلاس کے بعد ایک بیان میں لبنان اور مقبوضہ فلسطین کے درمیان سمندری سرحدوں کو تعین کرنے کیلئے مذاکرات کے دوران تیل اور گیس کی دولت کو محفوظ رکھنے میں لبنان کی عظیم قومی کامیابی پر لبنان کے عوام، حکومت اور مزاحمت کو مبارکباد دی۔

واضح رہے کہ یہ معاہدہ جو لبنان کے صدر کے اختیارات کو کم کرنے اور وزیر اعظم کو منتقل کرنے کے لیے تیار کیا گیا تھا، 22 اکتوبر 1989 کو سعودی عرب کے شہر طائف میں دستخط کیے گئے تھے۔ اس معاہدے کے مطابق لبنان میں صدر کے عہدے کو ملک کی سرپرستی اور حکومت کے فیصلوں سے ہٹا دیا گیا اور وزیر اعظم کی اہلیت کو تسلیم کرنے کا اختیار اراکین پارلیمنٹ کے سپرد کر دیا گیا۔

یہ بھی پڑھیں : بحرین میں پارلیمانی انتخابات کا مقصد جمہوریت کو تباہ کرنا ہے، شیعہ عالم عیسیٰ قاسم

اس کمیٹی نے غاصب صہیونی ریاست کے ہاتھوں چوری شدہ قومی دولت پر فلسطینی عوام کے حق کی اہمیت پر زور دیا۔

اس اجلاس میں حصہ لینے والوں نے ایرانی شہر شیراز میں واقع سید احمد بن موسی الکاظم علیہ السلام کے روضے پر دہشت گرد گروہ داعش کے حملے اور اس کے نتیجے میں نہتے شہریوں بشمول خواتین اور بچوں کی شہادت کی سختی سے مذمت کی۔

انہوں نے اس بات پر زور دیا کہ دنیا کے تمام حریت پسند سامراج کی سازشوں (امریکہ) اور اس کی حمایت یافتہ (قابض صہیونی ریاست) کے خلاف ایران کی حمایت میں کھڑے ہیں۔