عراق میں دہشت گردوں کے ٹھکانوں پر سپاہ پاسداران کا حملہ

شیعیت نیوز: ایرانی پاسداران انقلاب کی بری فورس نے عراق کے شہر اربیل میں دہشت گردوں کے ٹھکانوں کو توپ خانے سے گولہ باری کا نشانہ بنایا۔

تفصیلات کے مطابق، پاسداران انقلاب نے گزشتہ سال میزائلوں کا استعمال کرتے ہوئے اربیل میں موساد کے جاسوسی اڈے گڑھ کو مسمار کر دیا۔

ابھی تک اس بمباری کے نتیجے میں ہونے والے جانی و مالی نقصان کے بارے میں کوئی اطلاع نہیں ہے۔

ایران کی سپاہ پاسداران انقلاب اسلامی کی بری شعبے نے اعلان کیا ہے کہ گرفتار کئے جانے والے دہشت گردوں کی جانب سے اس بات کے اعتراف کے بعد کہ شمالی عراق میں تعینات دہشت گرد ایران کے خلاف ناپاک منصوبے تیار کئے ہوئے ہیں اس علاقے میں ان دہشت گردوں کے ٹھکانوں کو نشانہ بنا کر تباہ کر دیا گیا۔

ایران کی سپاہ پاسداران انقلاب اسلامی کے اعلان کے مطابق عالمی سامراج سے وابستہ دہشت گرد گروہ کی اشتعال انگیزی کے بعد کہ جس کے تحت کچھ دہشت گرد عناصر نے ایران میں تخریبی کارروائیوں کی غرض سے ایران کے علاقوں میں دراندازی کی، ایران کی انٹیلیجینس نے ان دہشت گردوں کا پتہ لگایا اور بانہ کے علاقے سے انہیں گرفتار کرلیا۔

یہ بھی پڑھیں : یورپی یونین کی شیرین ابو عاقلہ کی شہادت کی آزادانہ تحقیقات کا مطالبہ

اس رپورٹ کے مطابق گرفتار ہونے والے دہشت گردوں سے تفتیش کے دوران ایران میں اس گروہ کے ناپاک منصوبوں کا پتہ چلا اور پھر ایران کی سپاہ پاسداران انقلاب اسلامی کے بری شعبے کے حمزہ سید الشہدا بریگیڈ نے کارروائی کی اور شمالی عراق میں ان دہشت گرد عناصر کے ٹھکانوں کو تباہ کر دیا۔

ایرانی مسلح افواج بالخصوص پاسداران انقلاب نے بار بار صیہونیوں کو خبردار کیا ہے کہ ملک کے مغربی شمال میں کسی بھی برے اقدام کو دہرانے کو برداشت نہیں کرکے اسے سخت، فیصلہ کن اور تباہ کن ردعمل کا سامنا کرنا پڑے گا۔

تیرہ مارچ کو بھی ایران کی سپاہ پاسداران انقلاب اسلامی نے اربیل عراق میں غاصب صیہونی حکومت کے جاسوسی ادارے موساد کے ٹھکانے کو ٹارگٹ کیا تھا۔

واضح رہے کہ ایران کی مسلح افواج نے بارہا خبردار کیا ہے کہ ملک کی شمال مغربی سرحدوں پر پڑوسی ملکوں میں دہشت گردوں کی کسی بھی قسم کی سرگرمیوں کو برداشت نہیں کیا جائے گا اور ان کی کسی بھی طرح کی کارروائی کا منھ توڑ جواب دیا جائے گا۔