یوکرین کو نیٹو کی رکنیت کا وعدہ ایک غلطی تھی، جوزف بورل کا اعتراف
شیعیت نیوز: یورپی یونین کی خارجہ پالیسی کے سربراہ جوزف بورل نے اعتراف کیا ہے کہ مغرب نے یوکرین سے نیٹو کی رکنیت کا وعدہ کرکے غلطی کی ہے
یورپی یونین کی خارجہ پالیسی کے سربراہ جوزف بورل نے فرانس کے ال سی آئی ٹی وی کو انٹرویو دیتے ہوئے کہا کہ ہم نے کچھ چیزوں کی پیشکش کی جس کی ضمانت نہیں دے سکتے۔ خاص طور سے یوکرین کو نیٹو کی رکنیت کا وعدہ کیا جو ہرگز عملی جامہ نہیں پہن سکا۔
انھوں نے کہا کہ میں سمجھتا ہوں کہ یہ ایک غلطی تھی کہ ہم نے ایسے وعدے کئے جن پر عمل نہیں کرسکے۔ جوزف بورل نے اس بات کا اعتراف کرتے ہوئے کہ مغرب نے روس کے ساتھ تعلقات قائم کرنے میں کچھ غلطیاں کی ہیں کہا کہ ہم نے روس کو یوکرین پر حملہ کرنے سے روکنے کے لئے مغرب سے ماسکو کو اور زیادہ قریب کرنے کے مواقع کھودیئے ہیں۔
یورپی یونین کی خارجہ پالیسی کے سربراہ نے ریڈیو فرانس کو انٹرویو دیتے ہوئے یوکرین کے بحران کے پیش نظر روس کے ساتھ یورپی یونین کے تعلقات کی صورت حال اور ماسکوکے خلاف مغربی ممالک کی پابندیوں کے سلسلے میں کچھ موضوعات پر بات چیت کی تھی ۔ جوزف بورل نے اعتراف کیا کہ یورپی یونین ، روس پر پابندی عائد کرنے کے سلسلے میں جو کچھ کرسکتی تھی کیا اور اس سے زیادہ کچھ نہیں کرسکتی۔
یہ بھی پڑھیں : یوکرین کی جنگ نے یورپی اور افریقی فوڈ سپلائی چین کو غیر مستحکم کر دیا ہے، صدر ایمانوئل
دوسری جانب روس نے یوکرین کی لیب سے بایولوجیکل اسلحے بنانے میں استعمال ہونے والے مادے کی دہشت گردوں کے ہاتھوں چوری ہونے کی بابت خبردار کیا ہے۔
اقوام متحدہ میں روس کے مستقل مندوب ویسلی نبنزیا نے کہا کہ ماسکو بین الاقوامی برادری کو خبردار کر رہا ہے کہ دہشت گرد یوکرین کی لیب سے بائیولوجیکل مادے چوری کر سکتے ہیں۔
ویسلی نبنزیا نے جمعہ کو سیکورٹی کونسل کے اجلاس میں یورپی یونین سے مطالبہ کیا کہ وہ ان بائیولوجیکل عناصر کے حقیقی خطرے پر توجہ دے جن کا مأخذ اس وقت یوکرین ہے۔
انہوں نے یورپ کو خبردار کیا کہ خطرناک بیماری کا سبب بننے والے عناصر یوکرین کی سرحدوں سے نکل کر پورے یورپ میں پھیل سکتے ہیں۔
روس کے مندوب نے کہا کہ امریکہ یوکرین میں اپنی مورد حمایت بائیولوجیکل لیب کی بین الاقوامی سطح پر تحقیقات کی اجازت نہیں دے رہا ہے۔
روس کے نمائندے نے کہا کہ امریکہ کے ان لیبوں کی تحقیقات کی اجازت نہ دینے سے سازش کی بو آ رہی ہے۔
