فلسطین کے خلاف کی جانے والی ہر کوشش ناکام ہے، حماس رہنما خلیل الحیہ

شیعیت نیوز: حماس کے سیاسی بیورو کے ایک رہنما خلیل الحیہ نے اس بات پر زور دیا کہ اس تحریک کو فلسطینی سرزمین کی مکمل آزادی اور پناہ گزینوں کی واپسی کے حق کے حصول کے لیے اپنی خواہشات سے دستبردار ہونے پر مجبور کرنے کی کوششیں ناکام ہوں گی۔

القدس العربی کی رپورٹ کے مطابق حماس کے سیاسی بیورو کے رکن خلیل الحیہ نے اس تحریک کی 34ویں سالگرہ کے موقع پر کہا کہ تحریک کو اس کے نظریات سے منحرف کرنے کی تمام کوششیں ناکام ہو گئی ہیں، رپورٹ کے مطابق الحیہ جو حماس کے عرب-اسلامی تعلقات کے دفتر کے سربراہ ہیں۔

رہنما خلیل الحیہ نے کہا کہ حماس ہر مرحلے پر مضبوط ہو کر سامنے آئی ہے اور اس تحریک کو ایک تنگ جگہ پر ڈالنے کی تمام تر کوششوں کے باوجود اسے شکست دینا اور پیچھے ہٹانا مشکل سے مشکل تر ہوتا جا رہا ہے۔

انہوں نے حماس کے واضح نظریے اور حکمت عملی کا حوالہ دیتے ہوئے کہاکہ فلسطینی اسلامی مزاحمتی تحریک کا قیام فلسطینی عوام کی تاریخ میں ایک اہم موڑ تھا۔

یہ بھی پڑھیں : حماس کے یوم تاسیس پر فلسطینی اتھارٹی نے مساجد سیل کر دیں

رہنما خلیل الحیہ نے فلسطین، قدس اور مسجد اقصیٰ کے محافظوں کی تعریف کی اور کہا کہ ہم اس سرزمین کی مکمل آزادی، بے گھر ہونے والوں کی واپسی اور حتمی فتح تک ان سے اور فلسطین کے ساتھ بیعت کررہے ہیں۔

حماس کے عہدیدار نے قابض حکومت کو القدس اور مسجد اقصیٰ نیزاس کے اطراف میں ہونے والے حملے کے نتائج کے بارے میں خبردار کرتے ہوئے کہا کہ دونوں جگہوں پر کوئی بھی حملہ سیف القدس کی جنگ کو واپس لے آئے گا ،ان علاقوں پر قبضہ کرنے کے بارے میں سوچنے والے ہاتھ کاٹ دیے جائیں گے۔

الحیہ نے اپنی تقریر کے ایک اور حصے میں یہ کہتے ہوئے کہ قابض صیہونی حکومت اسیروں کے کیس کو آگے بڑھانے میں کوئی سنجیدگی نہیں رکھتی۔

انہوں نے کہا کہ جب تک ہمارے تمام قیدیوں کو رہا نہیں کیا جاتا کوششیں جاری رہیں گی۔