افغانستان، دارالحکومت کابل میں پھر دھماکہ سے دہل گیا
شیعیت نیوز: افغانستان کا دارالحکومت کابل تھوڑے وقفہ کے امن و سکون کے بعد ایک بار پھر دھماکے سے دہل گیا۔
رپورٹ کے مطابق، یہ دھماکہ سنیچر کی صبح کابل شہر کے تیرہویں زون کے دشت برچی محلے میں ہوا جس کا نشانہ ایک کار تھی۔
رپورٹ ملنے تک اس دھماکے میں ممکنہ جانی و مالی نقصان کی تفصیلات سامنے نہیں آئی تھی اور نہ ہی کسی شخص یا گروہ نے اس دھماکے کی ذمہ داری لی ہے۔
جب سے کابل کا اقتدار طالبان کے ہاتھ میں آیا ہے، اس وقت سے اب تک افغانستان کا دارالحکومت کئی بار دھماکوں سے لرز چکا ہے۔
یہ بھی پڑھیں : بائیڈن حکومت ، مزید عرب ملکوں کو اسرائیل کے ساتھ تعلقات کی ترغیب دے گی
دوسری جانب افغانستان میں ایک کروڑ بچوں کو فوری طور پر انسانی دوستانہ امداد کی ضرورت ہے۔
آئی آر آئی بی نیوز کے مطابق بچوں کے لئے اقوام متحدہ کے ادارے یونیسف کے تعلقات عامہ کے سربراہ سام مورت نے کہا ہے کہ اس وقت مناسب غذا اور پینے کے پانی تک عدم رسائی اور دواؤں کی قلت افغان بچوں کے لئے بڑے چیلنج بنے ہوئے ہیں۔
یونیسف کے مذکورہ عہدے دار کا کہنا تھا کہ افغان بچوں کی بڑی تعداد پولیو اور خسرہ جیسی بیماریوں کے ویکسینیشن سے بھی محروم رہی ہے۔
گزشتہ روز بھی اقوام متحدہ کے ہائی کمشنر نے دورۂ افغانستان کے اختتام پر اس ملک کی صورتحال کو مایوس کن قرار دیا تھا۔ ساتھ ہی انہوں نے خبردار کیا تھا کہ اگر افغانستان کا اقتصاد انجماد کا شکار ہوتا ہے تو یہ ملک ایک انسانی المیہ سے روبرو ہو جائے گا۔
خیال رہے کہ طالبان نے ۱۵ اگست کو دارالحکومت کابل سمیت افغاستان کے تقریبا سبھی علاقوں پر اپنا تسلط جما لیا لیا تھا جس کے بعد سے اس ملک میں افراتفری کا سا ماحول ہے اور عوام میں اپنے مستقبل کو لے کر سخت تشویش پیدا ہو گئی ہے۔ طالبان نے بھی ملک کے حالات کو بہتر بنانے کے لئے عالمی برادری سے امداد کی اپیل کی ہے۔
