یمن میں کلسٹر بم دھماکہ، 3 بچے شہید 4 زخمی
شیعیت نیوز: الحدیدہ میں سعودی اتحاد کے حملوں میں موقع پر نہ پھٹنے والا ایک کلسٹر بم زور دار دھماکے سے پھٹ گیا جس سے متعدد افراد شہید اور زخمی ہوئے۔
المسیرہ ٹیلی ویژن کے مطابق یہ بم دھماکہ کل یمن کے صوبہ الحدیدہ کے القیس دیہی علاقے میں ہوا۔ اس دھماکے میں 3 بچے موقع پر شہید جبکہ ایک عورت سمیت 4 افراد زخمی ہوئے۔
بم کا یہ دھماکہ ایسے میں ہوا کہ جب انسانی حقوق کے اداروں نے کلسٹر بموں کے استعمال کو جو 10 سال تک بھی دھماکہ کر سکتا ہے ممنوع قرار دیا ہے۔ سعودی عرب کی حکومت اس قسم کے بم متعدد بار رہائشی علاقوں پر گرا چکی ہے۔
واضح رہے کہ سعودی عرب اور اس کے بعض اتحادی ممالک، امریکہ اور دیگر مغربی ملکوں کی حمایت کے زیر سایہ مارچ دو ہزار پندرہ سے یمن پر وحشیانہ حملے کر رہے ہیں اس عرصے میں دسیوں ہزار یمنی شہری شہید و زخمی جبکہ دسیوں لاکھ یمنی بے سر و سامانی کی زندگی گزارنے پر مجبور ہو گئے ہیں۔
یہ بھی پڑھیں : امریکہ کا فلسطینیوں کے خلاف نسل پرستانہ جرائم پر ایک بارپھر اسرائیلی دفاع
دوسری جانب یورپی اور امریکی مافیا گروپ یمنی بچوں کو سعودی عرب اور خلیج فارس کے دیگر عرب ملکوں کو اسمگل کر رہے ہیں۔
یمن کے المسیرہ ٹیلی ویژن کے مطابق، قومی حکومت کے سیکورٹی اداروں نے انقلاب یمن کے رہنما سید عبدالملک بدرالدین الحوثی کے حکم پر بچوں کی اسمگلنگ میں ملوث بعض گینگز کا پتہ لگایا ہے ۔
رپورٹ کے مطابق اسمگلروں کے یہ گینگز، بچوں کو جبری مشقت، جنسی استحصال اور گدا گری کی غرض سے پہلے سعودی عرب اور وہاں سے دیگر عرب ممالک میں موجود اپنے گاہگوں کو فروخت کرتے ہیں۔
رپورٹ میں کہا گیا ہے کہ بچوں کے اسمگلر ان کے اعضائے بدن کی فروخت کے گھناؤنے کاروبار میں بھی ملوث ہیں اور انہیں امریکی و یورپی مافیاؤں کی مکمل سپورٹ حاصل ہے۔
اسمگلروں کے ہاتھوں بچوں کی خرید و فروخت کی رپورٹیں ملنے کے بعد انقلاب یمن کے رہنما سید عبدالملک بدرالدین الحوثی نے ، قومی حکومت کے متعلقہ اداروں کو معاملے کی فوری چھان بین کا حکم دیا تھا۔
